وسله‌والو هغه کسان وژلي چې د پاکستان بيرغونه يې خرڅول
۲۰ اسد ۱۴۰۰ 1007000 0 نظر سرخط ورځپاڼه

وسله‌والو هغه کسان وژلي چې د پاکستان بيرغونه يې خرڅول

 

په داسې حال کې چې پاکستانيان د پاکستان د زېږېدو د کاليزې نمانځلو ته تياريانې نيسې، بلوڅ وسله‌والو په کوټه ښار کې پنځه تنه هغه دوکانداران وژلي چې د پاکستان بيرغونه او د زېږېدو ورځ ته په کار نور سامانونه يې خرڅول.

 

د بلوچ ليبرېشن ارمي په نامه د بلوڅو د يوې ملتپالې ډلې وياند جييند بلوڅ سرخط ورځپاڼې ته په يوه رالېږلې خبرپاڼه کې ويلي دي چې ملګرو يې د کوټې ښار په مشرقي بای‌پاس کې څو دوکانونو ته تر غوږ ور تېره کړې وه چې د اګسټ څوارلسمې ته په کار شيان دې نه خرڅوي، خو دوی بابېزه وبلله او نن په بم والوتل.

 

دی وايي، دغو دوکانونو پاکستاني بيرغونه او نور مواد چې د بلوڅو نه خوښېږي، په خلکو خرڅول، نو ځکه په بم ويشتل شوي او پنځه تنه مړه دي.

 

جييند وايي، پر خلکو غږ کوي چې نه دې د پاکستان د زېږېدو ورځ نمانځي او نه دې هغو دکانونو ته ور نږدې کېږي چې پاکستاني بيرغونه پلوري.

 

د ده په خبره، دا ځل يې چاودنه کمزورې کړې، خو را روانې چاودنې به يې ډېرې خونړۍ وي او که څوک په کې مړه شول، خون يې په خپله غاړه.

اول ځان، بيا نور له کرونا وساتئ.

بلوڅو يو موټر پاکستاني پوځيان الوځولي

Aug 13, 2021 29

د بلوچ ليبرېشن فرنټ په نامه د بلوڅو يوه ملتپاله ډله وايي، د بلوچستان په کوټه ښار کې يې يو موټر پاکستاني پوځيان په بم الوځولي دي.

بلوڅو په تربت کې پاکستاني پوځيان په بمونو الوځولي

Aug 10, 2021 29

د بلوچستان ليبرېشن فرنټ په نامه د بلوڅو يوه ملتپاله ډله وايي، جنګياليو يې د بلوچستان په تربت سيمه کې د پاکستاني پوځيانو يوې پوستې ته بمونه ورغورځولي او خپله ورڅخه روان شوي دي.

په کوټه ښار کې په ۲ ساعته کې ۲ چاودنې، ۱۷ تنه مړه او ټپيان

Aug 09, 2021 29

د بلوچستان په کوټه ښار کې په دوه ساعته کې يو په بل پسې دوه چاودنې شوې دي چې له امله يې د اوو تنو پاکستاني پوليسو په ګډون اوولس تنه مړه او ټپيان شوي دي.

ستاسې نظر

لټون

موږ په فېسبوک کې