په ملګرو ملتونو کې افغان استازی؛ د طالبانو جنګي ماشين د پاکستان په تېلو چلېږي
۱۶ اسد ۱۴۰۰ 308000 0 نظر سرخط ورځپاڼه

په ملګرو ملتونو کې افغان استازی؛ د طالبانو جنګي ماشين د پاکستان په تېلو چلېږي

 

په ملګرو ملتونو کې د افغانستان استازی غلام محمد اسحاقزی وايي، د طالبانو د جنګ ټول ماشينونه د پاکستان په تېلو چلېږي.

 

ده دغه څرګندونې نن د هند په مشري، د ملګرو ملتونو په هغه ناسته کې وکړې چې د افغانستان په اړه پکې غږېدل.

 

اسحاقزي وويل، طالبانو ته تر ډېورونډ کرښه پورې غاړه خوندي ځايونه او روزنيز مرکزونه ورکول شوي دي.

 

ده زياته کړه، د طالبانو د جنګ ټول ټپيان په پاکستان کې تداوي کېږي او مړي يې هم پاکستان ته روان وي.

 

غلام محمد اسحاقزي د ملګرو ملتونو غونډې ته وويل، پاکستان له هغو بنديزونو ښکاره سرغړاوی کوي چې ملګرو ملتونو په نولس سوه اته اتيايم کال کې لګولي او په دې سربېره، د پاکستان دغه کړنې د جنګ د ختملو لپاره د افغانستان او نړۍ په روانه پروسه کې بې باوري هم جوړوي.

ده وويل، افغانستان په تاشکند کې له پاکستان سره د شويو پرېکړو په اساس، پر پاکستان غږ کوي چې ژر تر ژره دې د طالبانو روزنيز ځايونه او د هغوی د رالېږلو لارې بندې کړي، خو په دې هر څه سربېره، افغانستان بيا هم له پاکستان سره ښې اړيکې غواړي.

اول ځان، بيا نور له کرونا وساتئ.

د ناټو بېړنۍ غونډه؛ له افغانستانه نه وځو، اړتيا ته په کتو هماغسې اقدام کوو

Aug 13, 2021 29

نن د افغانستان د وروستي وضعيت په اړه ناټو هېوادونو ځانګړې بېړنۍ غونډه کړې او پکې يې ويلي دي چې له افغانستانه نه وځي، حالت له نږدې څاري او له اړتيا سر سم به، هماغسې اقدام کوي.

څه وشول، څه کېږي؟ موږ خراب روان يوو، خو ښه لوري ته ځو

Aug 13, 2021 29

څه وشول، ټول پوهېږي، څه چې کېږي، ټول يې وينو، خو څه چې به وشي؛ ښايي په لنډو ورځو کې د سقوط شويو ولايتونو شمېر په حيرانوونکې توګه زيات شي، مهم ولايتونه د حکومت له واکه ووځي او د [...]

افغانانو پر نړۍ غږ کړی چې پاکستان څنډې ته کړئ

Aug 09, 2021 29

افغانانو پر ټولنيزو رسنيو، فېسبوک، ټويټر او انسټاګرام د پاکستان پر ضد غږ پورته کړی دی او له نړۍ غواړي چې پر دغه هېواد بنديزونه ولګوي.

ستاسې نظر

لټون

موږ په فېسبوک کې