په نيلم دره کې د پاکستان د چټک غبرګون ۸ پوځيان اوبو وړي

د پاکستان تر ولکې د لاندې کشمير په نيلم دره کې د پاکستان د پوځ يو موټر سيند ته لوېدلی چې له امله يې څلور پاکستاني پوځيان مړه شوي او څلور نور زخميان دي.

په زخميانو کې د پوځ يو موټروان هم شامل دی.

سرخط ورځپاڼې ته له سيمې په رسېدليو مالوماتو کې ويل شوي دي چې دغه پېښه نن د نيلم درې په لاسوا سيمه کې شوې ده.

د تر لاسه شويو مالوماتو په اساس، اوبو وړي پوځيان د پاکستان د پوځ د چټک غبرګون عسکر ول.

دوی کشمير ته د کمشير د ټاکنو د امنيت ساتلو په موخه تللي ول.

د پاکستان د پوځ د عامه اړيکه اداره وايي، زخميان يې روغتون ته وړي دي.

اول ځان، بيا نور له کرونا وساتئ.