د اسراييلو په بمباريو کې سوريې ته لېږل شوي افغانان وژل شوي
۲۴ جدی ۱۳۹۹ 33 0 نظر سرخط ورځپاڼه

د اسراييلو په بمباريو کې سوريې ته لېږل شوي افغانان وژل شوي

 

د اسراييلو الوتکو تېره شپه د سوريې په ديرزور او بوکمال سيمو کې پر نظامي مرکزونو بريد کړي چې پکې د افغانانو په ګډون اووه ويشت تنه عسکر وژل شوي دي.

اسوشيېټيډ پريس وايي، اسراييلي الوتکو تېره شپه پر دغو دوو سيمو اتلس بمونه غورځولي چې په تېره څه موده کې د سوريې پر خاوره د اسراييلو تر ټولو خونړۍ حمله وه.

په دغو بمباريو کې يوولس سوري او شپاړس بهرني عسکر وژل شوي چې افغانان هم پکې شامل دي.

دغه افغانان د ايران د حکومت له خوا سوريې ته د جنګ لپاره لېږل شوي وو.

د سوريې حکومت دغه بمبارۍ پر خپله خاوره د اسراييلو تېری بللی او غندلې يې دي، خو اسراييل وايي، ايران سوريې ته جګړه‌مار لېږي او دوی دا نه شي زغملای چې په څنګ کې يې ايران دغسې نفوذ وکړي.

ايران د فاطميون په نامه په ايران کې له شته افغان کډوالو څخه پوځ جوړ کړی او په سوريه کې يې د بشار الاسد په ملاتړ جنګوي.

د دغو افغانانو شمېر پنځه ويشت زره تنو ته رسېږي.

ايران څه موده وړاندې ويلي و چې په سوريه کې د جنګېدونکيو افغانستان له ډلې تر اوسه دوه زره تنه وژل شوي او اته زره نور ژوبل دي.

د عربستان پر پلازمېنه ويشتل شوی توغندی شنډ شوی

Jan 26, 2021 29

د سعودي عربستان رسنۍ وايي، حوثي ياغيانو له يمن څخه د سعودي عربستان پلازمېنه رياض په يوه توغندي ويشتې، خو د رياض اسمان ته د توغندي له رارسېدو سره سم، شنډ کړل شوی دی.

په چمن کې د پاکستاني عسکرو پر پوسته بريد شوی

Jan 25, 2021 29

ګڼ شمېر وسله‌والو کسانو ډېورنډ کرښې ته څېرمه د چمن په توبه اڅکزي سيمه کې د پاکستاني عسکرو پر يوه پوسته خونړي بريدونه کړي دي.

ملګرو ملتونو خپل کارکوونکي په پي‌ای‌اي کې له سفره منع کړل

Jan 23, 2021 29

ملګرو ملتونو خپل ټول کارکوونکي د پاکستان د نړيوال هوايي شرکت په الوتکو کې له سفر کولو څخه منع کړي دي.

ستاسې نظر

لټون

موږ په فېسبوک کې