له چهارشنبې راهيسې د غور ولايت فلج دی
۵ دلو ۱۳۹۸ 238 0 نظر سرخط ورځپاڼه

له چهارشنبې راهيسې د غور ولايت فلج دی

 

له تېرې چهارشنبې راهيسې د غور ولايت ټولې حکومتي ادارې د خلکو او کارکوونکيو پر مخ تړلې او په دې توګه د درست ولايت چارې په ټپه ولاړې دي.

د غور يوه اوسېدونکي نجيب الله سرخط ورځپاڼې ته وويل چې د دغه ولايت ځوانانو، مدني فعالانو او ديني عالمانو چې د ولايت پرېمانه اوسېدونکي هم ورسره دي، د ولايت مقام او حکومتي ادارو دروازې تړلې دی.

دی وايي، خلک سړک، برق او د ژوند نورې لومړنۍ اړتياوې پوره کول غواړي، خو په بودجه کې هيڅ پام ور ته نه دی شوی.

د ده په خبره، تر څو چې يې غوښتنې نه وي منل شوې، د حکومتي ادارو دروازې به تړلې وي.

په غور ولايت مقام کې يوې سرچينې سرخط ته وويل چې ولايتي اداره کمزورې ده او د مظاهره کوونکيو غوښتنې پوره کول يې هم د وس کار نه دی.

دغه سرچينه وايي، والي، مرستيال يې او نور کارکوونکي محاصره دي، د ولايت مقام په دروازه کې خېمه وهل شوې او هيڅ حکومتي کارکوونکي ته، دندې ته د تلو اجازه نه ورکول کېږي.

د سرچينې په وينا، تر اوسه نه له مرکزه د کشالې د حل هڅه شوې او نه په ولايت کې څوک د سيمه‌ييزو ادارو د خلاصولو په فکر کې دي.

د هېواد پخوانۍ پيلوټه په شلو پښو خیرات ټولوي

Dec 24, 2019 29

د انجینر شرمیلا په نوم د هېواد پخوانۍ پیلوټه له بې وسۍ په کندهار ښار کې په خپلو شلو پښو خیرات ټولوي.

ولسمشر د سعودي عربستان له جګپوړو چارواکو سره لیدلي

Aug 25, 2019 29

د سعودي عربستان رسنۍ وايي، د افغانستان ولسمشر محمد اشرف غني تېره شپه د عمرې د ادا کولو ترڅنګ د دغه هېواد له چارواکو سره وکتل.

د دارالامان ماڼۍ پرانیستل شوه

Aug 22, 2019 29

ولسمشر محمد اشرف غني تېره شپه د یو لړ مراسمو په ترڅ کې د دارالامان رغېدلې ماڼۍ پرانیسته.

ستاسې نظر

لټون

موږ په فېسبوک کې