قوماندان عليپور د چاپېريال ساتنې موټرونه او سړي تښتولي
۲۶ جدی ۱۳۹۸ 2607 0 نظر سرخط ورځپاڼه

قوماندان عليپور د چاپېريال ساتنې موټرونه او سړي تښتولي

 

سرخط ته سرچينو ويلي دي چې د ميدان وردګو ولايت په بهسودو ولسوالۍ کې ځایي زورور قوماندان عليپور د چاپېريال ساتنې دوه موټر او يو لوډر برمته کړي دي.

سرچينو سرخط ته وويل چې دغه لوډر او موټرونه له څو تنو چلوونکيو او د واورو پاکولو نورو کارکوونکيو سره بهسودو ولسوالۍ ته د لارې خلاصولو او هلته له ناروغانو سره د مرستې کولو په پار لېږل شوي وو چې د عليپور نفر ورباندې پېښ شوي دي.

د قوماندان عليپور کسانو په زور دغه وسايط او کارکوونکي له ځان سره وړي او خپل شخصي کارونه ورباندې کوي.

سرچينې وايې، دولتي کارکوونکي او وسايط يې اوس د عليپور لپاره بېګار کوي.

څه موده وړاندې قوماندان عليپور په کابل کې نيول شوی و چې بيا وروسته بېرته د حکومت د لوړپوړيو چارواکيو په غوښتنه خوشې او خپلې سيمې ته لاړ.

پر ده د وژنو، سړي تښتونو او د خلکو د ځورولو پرېمانه تورونه دي.

د لوګر د ولايتي شورا پر وکيلې بريد شوی

Jul 06, 2020 29

لږ مخکې د لوګر په په مرکز پل علم ښار کې د دغه ولايت د ولايتي شورا پر وکيلې نفيسه هجران بريد شوی ده.

د پکتيکا د بکې‌خېل قوماندان په جګړه کې شهيد شوی

Jun 11, 2020 29

تېره شپه د پکتيکا په بکې‌خېل ولسوالي کې طالب اورپکو د پوليسو پر پوستو بريدونه کړي چې وروسته د واړو غاړو تر منځ خونړۍ نښته شوې ده.

د بلخ د شورتپې ولسوال په چاودنه کې شهيد شوی

Jun 09, 2020 29

نن د بلخ ولايت د شورتپې د ولسوال پر موټر چاودنه شوې چې له امله يې دی او د ده پنځه ساتونکي شهيدان شوي دي.

ستاسې نظر

لټون

موږ په فېسبوک کې