«تنها جي» فلم را روان دی
۲ جدی ۱۳۹۸ 705 0 نظر سرخط

«تنها جي» فلم را روان دی

«تنها جي» فلم را روان دی

د بالیووډ ستوري اجی دیوګن نوی فلم «تنها جي» د را روان ۲۰۲۰ کال د جنوري په لسمه نېټه بازار ته راوځي.

د دغه فلم ځانګړنه دا ده چې دا به د اجی‌دیوګن د یو کم سلو فلمونو نوملړ سلو ته ورسوي.

د فلم ډایريکټر ایم رات دی او د اجی د مېرمنې کاجل تر څنګ سیف علي خان هم پکې کار کړی دی.

اجی‌دیوګن وايي چې تنهاجي فلم یې د هغه بې‌نومه جنګیالي په اړه دی چې هيڅ ستایل شوی نه دی او دا کیسه د هغه په مفکوره پیلېږي.

دی زیاتوي، د فلم کیسه پر عادي خلکو هم اغېز کوي، تنهاجي پکې یو ملي اتل ښوول شوی، په تاریخي کتابونو کې د هغه په اړه یوازې پاڼې ډکې شوي، موږ غواړو د هغه د اتلولي مالومات تر ډېرو نورو ورسوو.

د تنهاجي فلم دویم ټرېلر هم خپور شو، په دغه ټرېلر کې اجی‌دیوګن او سیف علي خان یو له بل سره جګړه کوي او کاجل د خپل خاوند اجی‌دیوګن په ننګه را څرګندېږي.

که یوې خوا ته اجی‌دیوګن د فلم مرکزي اتل دی، بلې خوا ته بیا سیف علي خان ته منفي رول ورکړل شوی چې د پادماوتي فلم د سلطان علاوالدین غلجي رول ته ورته دی.

د یادولو وړ ده چې په دغه فلم کې اجی‌دیوګن د مرهټي جنګیالي تانجي مالوسوري په رول کې د اتل په حيث، سیف‌ علي‌خان د اودي بهان سینګ په رول کې د مخالف جنګیالي او کاجل د سویترابي مالوسوري په رول کې د اجی‌دیوګن د مېرمنې په توګه کار کړی دی.

 

انيل کپور هم د بالييوډ ځوان بوډا دی

Dec 29, 2019 29

د بالیووډ نامتو ستوری انيل کپور ۶۳ کلن شو، خو د هغه څېرې ته په کتو په عمر يې د چا شک راشي چې ډېر دي وي.

غلا شوې پيسې پر خلکو وشيندل شوې

Dec 29, 2019 29

په امریکا کې یو سړي بانک لوټ کړ او غلا کړي ډالر یې بهر پر خلکو وشیندل، وروسته یې ټولو ته د کرسمس مبارکي وویله.

پر سېنما ميين خلک

Dec 25, 2019 29

هند له ډېره پخوا په دې هڅه کې دی چې خپل اقتصاد پیاوړی کړي او هندوان هم په دې لټه کې دی چې د پيسو سپمول زده کړي.

ستاسې نظر

لټون

موږ په فېسبوک کې