اوبه مو روغ او ځوان ساتي

اوبه مو روغ او ځوان ساتي
۱۴ اسد ۱۳۹۸ 133 0 نظر سرخط

اوبه مو روغ او ځوان ساتي

اوبه هغه ماده ده چې په بدن کې مړه شوي سلولونه بیا را ژوندي کوي او د پوستکي ګونځې له منځه وړي. روغتیاپالان وایي اوبه په ښکلا کې مهمه ونډه لري، ځکه د پوستکي د وچوالي مخه نیسي او د سترګو د شاوخوا ګونځې له منځه وړي.

ژوند پر اوبو ولاړ دی، د ځمکې له څلورو برخو، درې برخې يې اوبه دي، دا چې اوبه کوم مرکب دی او له څه شي جوړې شوې دي، پرې خبرې نه کوو، بلکې یوازې ګټې مو یې را سپړلې دي.

کولای شئ اوبه یوازې وڅښئ او یا یې هم له نور خوړو سره ګډې کړئ او ګټه ترې واخلئ، که اوبه له نورو خوراکي موادو سره ګډې شي وېټامینونه په اسانۍ سره د بدن ټولو برخو ته جذبېدای شي.

د اوبو کچه په ټولو خوراکي توکيو کې توپیر کوي، مثلاً خالصې شیدې ۸۷ سلنه اوبه لري، هګۍ ۷۴ سلنه، غوښه ۷۰ سلنه، مېوې ۸۵ سلنه او وچه ډوډۍ ۴۰ سلنه اوبه لري.

د انسان بدن ۵۵،۷۵ سلنه له اوبو جوړ شوی، د دې لپاره چې د ژېړي له ناروغې په امن کې ياست، ښه ده چې ډېرې اوبه وڅښئ، اوبه کېدای شي په بدن کې مړه سلولونه له سره ورغوي او د پوستکي ګونځې له منځه یوسي.

که غواړئ ښکلی او روڼ پوستکی او ښکلې څېره ولرئ، د ورځې لږ تر لږه اته ګيلاسه اوبه څښئ، خو یو څه ته مو باید پام وي چې معتدلې اوبه وڅښئ، د زیاتو یخو اوبو څښل مو ځيګر غوړوي، دغه راز د ډېرو یخو اوبو څښل د جنسي کمزوري او عصابو د ناارامي سبب کېږي.

د شپې له خوا او یا هم په تشه معده د زیاتو اوبو څښل د بدن لپاره زیان لري، ځکه که په تشه معده زیاتې اوبه وڅښل شي سردرد او د معدې ستونزې هم ترې پيدا کېږي.

ښه لاره یې دا ده چې له ورزش مخکې او د ورزش پر وخت منظمي اوبه وڅښئ، ځکه د فزیکي فعالیت پر وخت ستاسې بدن اوبو ته اړتیا پیدا کوي او هر څه هغه وخت ګټور تمامېږي چې اړتیا ورته پیدا شي. يوه ضرور يادونه دا هم ده چې «د اوبو د څښلو پر مهال کېنئ او که زیات ستړي شوي ياست اوبه فوراً مه څښئ، ځکه د جل وهلو خطر ورسره تړلی دی.»

ډېر کسان په دې اند هم دي چې کله هوا ګرمه وي، فزیکي فعالیت کوئ او یا هم د تندې احساس وکړئ، باید اوبه وڅښئ چې دغه کار سم نه دی. د ورځې په اوږدو کې باید په منظم ډول اوبه وڅښل شي تر څو مو په بډوډو کې د ډبرو د جوړښت او د هاضمې په سیسټم کې د ګڼ‌شمېر ستونزو چې له هغې جملې لویه ستونزه یې قبضیت دی، مخه نیولې وي.

 

که معدني اوبه نه وي کوښښ وکړئ د ويالو او چينو اوبه جوش کړئ، له سړولو وروسته يې څښئ، ځکه هغه اندازه ميکروبونه چې په اوبو کې وي، هغه د جوش په وسېله له منځه ځي.

دسترخوان څنګه ښکلی کړو؟

Jul 30, 2019 29

لومړۍ برخه د دې لپاره چې موږ ښکلی دسترخوان او اشتها را وړونکي خواړه ولرو، باید د هغو ښایست او خوندورتوب ته ځير شو، ځکه له ښکلي دسترخوان سره نه یوازې دا چې د خلکو اشتها زیاتېږي، [...]

ماشوم ته تی ورکول د مور روغتيا هم ساتي

May 20, 2019 29

. د مور شيدې ماشوم ته ډېرې ښې دي، نه اندازه غواړي، نه د حرارت درجه غواړي او نه هم وخت غواړي چې جوړې يې کړئ، بلکې هر وخت يې ورکولای شئ.

له زکامه به څنکه ځان ژغورئ!

Mar 18, 2019 29

د خولې او پزې پټول کولای شي چې ستاسو تنفسي جهاز ته د یخې

ستاسې نظر

لټون

موږ په فېسبوک کې