امریکا سوريې ته د جرمني عسکرو د استولو غوښتنه کړې

امریکا سوريې ته د جرمني عسکرو د استولو غوښتنه کړې
۱۷ سرطان ۱۳۹۸ 72 0 نظر سرخط

ایران د اټومي تړون له حده زیات یورانیم غني کوي

د ایران د بهرنیو چارو مرستیال وزیر وايي، د یورانیمو غني کولو له هغه حده به واوړي چې په ۲۰۱۵ میلادي کال کې د اټومي تړون له مخې ورته ژمن و.

عباس عراقچي زیاتوي، تهران لا هم غواړي دا تړون وژغوري، خو اروپايي هېوادونه یې تورن کړل چې په خپلو ژمنو و نه درېدل؛ نو ځکه دا ډول اقدام ته اړ شول.

ورته مهال په ملګرو ملتونو کې د ایران استازی کاظم غریب ابادي وايي، د ایران اټومي فعالیت یوازې د هغه چوکاټ له مخې اروزل کېږي چې اټومي تړون په‌کې منل شوی دی.

تر دې وړاندې د اټومي انرژۍ نړيوالې ادارې د ایران هغه ادعا تایید کړه چې د دې هېواد د غني شویو یورانیمو کچه د ۲۰۱۵ میلادي کال د اټومي موافقې له مخې تر ټاکل شوي حده اوښتې ده.

د ملګرو ملتونو د عمومي منشي انټونيو ګوټېرېش ویاند سټيفن دوجاریک وايي، د ایران د دې اقدام په خاطر چې خپل یورانیم به له ټاکل شوي حده زیات غني کوي، ډېر اندېښمن دی.

د اټومي موافقې له مخې ایران کولای شي یورانیم په ټیټه کچه په سلو کې د ۳.۶۷ په غلظت تولید او تر ۳۰۰ کیلوګرامو پورې زېرمه کړي، خو ایراني چارواکیو اوس ویلي چې د غني شويو یورانیمو د تولید کچه یې په موافقه کې له ټاکل شوې اندازې څخه زیاته کړې ده.

 

 

امریکا سوريې ته د جرمني عسکرو د استولو غوښتنه کړې

په سوريه کې د داعش ضد ایتلاف لپاره د امريکا ځانګړی استازی جېمز جيفري وايي، واشنګټن له جرمني غوښتنه کړې چې د سوريې د ډېموکراټيکو ځواکونو د همکارۍ لپاره د سوريې شمال ته پلي ځواکونه واستوي.

جيفري زیاته کړې، واشنګټن د جرمني له پوځه غواړي چې روزنيز ځواکونه، لوژستيکي متخصصان او تخنيکي کارکوونکي د سرویې شمال ته وساتوي.

هغه له جرمني رسنیو سره په خبرو کې زیاته کړې، سوريې ته پلي ځواکونه د دې لپاره استوي چې تر يوه حده د امريکايي ځواکونو ځاى ونيسي او زیاته کړې یې ده چې جرمني د روانې ميلادي مياشتې تر پاى مخکې په دې اړه له برلېن ځواب تر لاسه کړي.

امريکايي ځواکونه د سوريې د ولسمشر بشارالاسد د حکومت او د اسلامي دولت ډلې پر خلاف په مبارزه کې د سوريې د ډيموکراتيکو ځواکونو ملاتړ کوي.

دا لوړپوړی امریکايي چارواکی داسې مهال سوریې ته د جرمني عسکرو د استولو غوښتنه کوي چې د امريکا ولسمشر ډونلډ ټرمپ د تېر کال په ډېسمبر مياشت د سوريې له شماله د ٢٠٠٠ امريکايي پوځيانو د وېستلو خبره کړې وه.

امریکا او شمالي کوریا د اټومي پروګرام په اړه بیا خبرې پیلوي

Jul 17, 2019 29

د امریکا متحده ایالاتو د بهرنیو چارو وزیر مایک پمپیو وايي، له شمالي کوریا سره به د اټومي پروګرام د بندولو په اړه یو ځل بیا خبرې پیل کړي.

امریکا: د بریټانیا له‌خوا د ایراني بېړۍ د نیولو هرکلی کوو

Jul 06, 2019 29

د امریکا متحده ایالتونو د جبل‌الطارق په ابنا کې د بریټانیا له‌خوا د ایران د یوې تېل وړونکې بېړۍ د نیول کېدو هرکلی کړی او دا یې یو ښه خبر بللی دی.

جنوبي کوریا: د ټرمپ او کېم لیدنه دوښمني ختموي

Jul 03, 2019 29

د جنوبي کوریا ولسمشر مون جې اېن د امریکا او شمالي کوریا د مشرانو تر منځ وروستۍ کتنه چې د دواړو کوریاګانو تر منځ پوله کې یې سره ولیدل، د هېوادونو تر منځ د دوښمنۍ پای ته رسولو [...]

ستاسې نظر

لټون

موږ په فېسبوک کې