په هرات کې د برښنايي پېژندپاڼو څانګه پرانېستل کېږي

په هرات کې د برښنايي پېژندپاڼو څانګه پرانېستل کېږي
۱۵ سرطان ۱۳۹۸ 120 0 نظر سرخط

د احصایې او مالوماتو ملي اداره وايي، ټاکل شوې د یک‌شنبې په ورځ (چنګاښ ۱۶مه) په هرات ولایت کې د برښنايي پېژندپاڼو څانګه پرانېستل شي.

د دې ادارې د اطلاعاتو او عامه اړیکو رییس مسعودالله علیشنګي سرخط ته وویل، د برښنايي پېژندپاڼو د وېش څانګو پرانېستلو د مخکنيو فعاليتونو په لړ کې دا ځل غواړي په هرات ولایت کې هم د ځانګړیو مراسمو په ترڅ کې خپله ولایتي څانګه پرانېزي.

د هغه په خبره، د دې څانګې په پرانېستلو سره د هرات او ورسره د ګاونډیو ولایتونو اوسېدونکي کولای شي دې څانګې ته په ورتلو سره برښنايي پېژندپاڼې واخلي.

د نوموړي په خبره، اوس‌ په کابل کې د برښنايي پېژندپاڼو څلور مرکزونه فعالیت کوي چې له پیله تر دې دمه یې څه باندې ۱۸۵۳۰۰ برښنايي پېژندپاڼې وېشلي، خو دا لومړی ځل دی چې د ولایت په کچه د دغو پېژندپاڼو مرکز پرانېستل کېږي.

تر دې وړاندې د برښنايي پېژندپاڼو د وېش موضوع په تېرو څو کلونو کې د ولسي جرګې او حکومت تر منځ تر ټولو جنجالي موضوع وه، خو د ملي شورا ګډې کمېتې د وګړیو د ثبت او احوالو د قانون په تړاو د ولسمشر د تقنیني قرمان په تايید سره ورته د وېش لار هواره شوه.

 

 

د سویډن کمېټه په میدان وردګ ولایت کې روغتیايي فعالیتونه بېرته پیلوي

Jul 20, 2019 29

د افغانستان لپاره د سویډن کمېټه هیله څرګندوي چې په میدان وردګ ولایت کې به د دې کمېټې د کلینیکونو فعالیت سر له شنبې ورځې بېرته پیل شي.

ارګ: د خپلواکۍ ۱۰۰مه کلیزه دې په شاندارو مراسمو ونماځل شي

Jul 17, 2019 29

ولسمشر اشرف غني د ملي ورځې په توګه د هېواد د خپلواکۍ سلمې کالیزې پر شاندارو مراسمو نمانځلو ټینګار وکړ او له ټولو دولتي ادارو یې په ګډه د هراړخیزې همکاري غوښتنه وکړه.

پاکستان خپل هوايي حریم د ملکي الوتنو لپاره پرانېست

Jul 17, 2019 29

له هند سره د پاکستان د ترینګلتیا ډېرېدو له کبله چې پاکستان خپل هوايي حریم تړلی و، له ۱۳۵ ورځو وروسته د افغانستان لپاره پرانېست.

ستاسې نظر

لټون

موږ په فېسبوک کې