له کماله ډک روبوټ
۱۲ سرطان ۱۳۹۸ 194 0 نظر سرخط

له کماله ډک روبوټ

له کماله ډک روبوټ

تاسې به له سرخطه د روبوټونو د الوتنې، ښوونې، روزنې، ډاکټري، کورني کار او نورو بېلابېلو کارونو د سرته رسولو په اړه ډېر اورېدلې وي، خو نن درته داسې روبوټ در پېژنو چې په وزن ډېر کم، خو له کمالونو ډک دی.

د امریکا هارورډ پوهنتون د مایکرو روبوټکس ازموینې څانګې انجینیرانو داسې روبوټ جوړ کړی چې وزن یې یوازې ۲۵۹ ملي ګرامه دی او له کوم ډول تار پرته اتومات الوتنه کوي.

د نړۍ تر ټولو کوچنی روبوټ د یوې مچۍ په اندازه جوړ شوی او له دومره کوچنیوالي سربېره بیا هم له لمره د الوتنې توانايي اخلي.

د «روبو بي ‌اېک وېنګ» په نوم دا روبوټ په یوه ثانیه کې ۱۷۰ ځله خپل څلور وزرونه روپوي او پنډوالی یې یوازې ۳٫۵ سانټي مټره او لویوالی یې ۶٫۵ سانټي مټره دی.

د دې روبوټ له پاسه شپږ عدده د لمریزې بټرۍ لګول شوې چې د هرې یوې وزن یې یوازې ۱۰ ملي ګرامه دی او له دې روبوټ سره د الوتنې پر مهال مرسته کوي.

ساینس پوهان وايي، د دې روبوټ په جوړولو سره دوی کولای شي، د څار اسانه لارې چارې پیدا کړي، ځکه له یوې خوا دا روبوټ ډېر کوچنی او له بلې خوا ډېر ځیرک دی چې د کمرې په نصب سره به د څار لپاره ترې ګټه واخيستل شي.

د مایکروسافټ غبرګېدونکی موبایل

Oct 09, 2019 29

څو اوونۍ وړاندې مو درته د ځیرکو موبایلونو مشهورې کمپنۍ سامسونګ د قاتېدونکي ځیرک موبایل په اړه مالومات در کړل، خو نن درته د مایکروسافټ د غبرګېدونکي ځیرک موبایل په اړه خبرې لرو.

مينه‌ناک روبوټ

Oct 08, 2019 29

مخکې مو د روبوټانو بېلابېلو دندو او ځیرکو کارونو په اړه درته ډېر مالومات درکړل، خو نن درته داسې روبوټ درپېژنو چې مینه در زده ‌کوي.

مجرمان دې خبر وي

Oct 07, 2019 29

د مصنوعي ځیرکتیا له ودې سره سم د ژوند په بېلابېلو برخو کې مختلفې اسانتیاوې رامنځ ‌ته کېږي چې ځینې یې ډېرې زیاتې ګټورې تمامېږي.

ستاسې نظر

لټون

موږ په فېسبوک کې