دې ته وايي تېروتنه

دې ته وايي تېروتنه
۲۳ ثور ۱۳۹۸ 191 0 نظر سرخط

د پیسو ډیزاین او چاپ له ځانګړې پروسې او دقیقې کتنې وروسته کېږي، خو په اسټرالیا کې د دې هېواد ۵۰ ډالره نوټ له دومره دقیقې کتنې وروسته هم تېروتنه لري.

د اسټرالیا مرکزي بانک ریزرو پر ۵۰ ډالر نوټ د انګلیسي کلمې «Responsibility» پر ځای «Responsibilty» لیکلی دی یانې له «t» وروسته يې بل «i» نه ‌دی لیکلی او دا تېروتنه په لکونو نوټونو تکرار شوې ده.

د اسټرالیا مرکزي بانک د دې تېروتنې اعتراف کړی دی او وايي، د ۴۶ لکه اسټرالیايي ډالرو په چاپ کې يې دا تېروتنه تکرار کړې ده، خو زیاتوي، په راتلونکي کې به د دې تېروتنې مخنیوی وکړي.

دا پنځوسیز نوټ چې د تېر کال په وروستیو کې په نوي ډیزاین کې چاپ شو، پکې د اسټرالیا د پارلمان لومړۍ غړې رکن اډېت کووان انځور ښکاري.

یاده دې وي چې دا نوټ جعلي نه ‌دی ګڼل شوی او له دې تېروتنې سربېره د اسټرالیا د رسمي کرنسي په توګه ترې کار اخیستل کېږي، خو حکومت ژمنه کړې چې بیا به دا ډول تېروتنه نه‌ تکراروي.

عاطف اسلم ولې بې‌تفاوته دی؟

Aug 07, 2019 29

له هغه وروسته چې په هندي کشمیر کې پر هندي ځواکونو مرګونی برید وشو، دې پېښې نه یوازې د دواړو هېوادونو په سیاسي او اقتصادي اړیکو اغېزه وکړه، بلکې د سېنما لوبغاړي یې هم اغېزمن کړل.

په دوه ساعته کې ژوند بدلېدل

Aug 07, 2019 29

د الماسو موندلو پسې خلک سخت غرونه کيني او تر اوبو لاندې د ځمکې تل ته کته کېږي، خو په امریکا کې یوه کس ته دومره اسانه ور پيدا شول چې حیران به شئ.

سلمان خان بیا چا ته ګوتمۍ ډالۍ کړې

Aug 06, 2019 29

د باولیووډ سلطان خپلې نوې ملګرې ته د ګوتمۍ ډالۍ په ورکولو سره یو ځل بیا د خبرونو سرټکی شوی دی او د دې تر څنګ د هغه ۲۵ کلنه پخوانۍ پېښه یو ځل بیا را تازه شوه.

ستاسې نظر

لټون

موږ په فېسبوک کې