حمید حسن په راتلونکي نړیوال جام کې لوبېږي

حمید حسن په راتلونکي نړیوال جام کې لوبېږي
۲ ثور ۱۳۹۸ 275 0 نظر سرخط

حمید حسن په راتلونکي نړیوال جام کې لوبېږي

د کرېکټ بورډ د غوراوي کمېټه وايي، د ۲۰۱۹ کال د یو ورځنیو لوبو نړیوال جام لپاره یې په ۱۵ کسیزه لوبډله کې د ملي لوبډلې تېز توپ اچوونکی حمید حسن هم غوره کړی دی.

د کرېکټ نړیوال جام سیالۍ د مې له ۳۰مې د جولای تر ۱۴مې پورې په بریټانیا کې کېږي.

په یاده پنځلس کسیزه لوبډله کې ګلبدین نایب لوبډلمشر، شهزاد محمدي ویکټ ساتونکی، نورعلي ځدران، حضرت‌الله ځاځی، رحمت‌شاه، اصغر افغان، حشمت‌الله شهیدي، نجیب‌الله ځدران، سمېع‌الله شینواری، محمدنبي، راشدخان ارمان، دولت ځدران، افتاب عالم او مجیب ځدران شامل دي او په احتیاطي لوبغاړیو کې بیا اکرام علي‌خېل، کریم جنت او سعید شېرزاد غوره شوي دي.

د غوراوي کمېټې مشر دولت‌خان احمدزی وايي، ټول لوبغاړي له شپږ میاشتني چمتووالي وروسته غوره شوي او یوازېنۍ موخه مو هم په نړیوال جام کې د ډېرو ښو لوبو کول دي.

د هغه په وینا، له نېکه مرغه د حمید حسن بیا راتګ یو ښه زېری دی، خو بیا هم په راتلونکیو تمریناتي لوبو کې د هغه فټنېس او پیاوړتیا ارزوو.

حميد حسن د افغانستان يو تر ټولو تېز توپ اچوونکی دی چې د انګلستان په کلپونو کې يې هم لوبې کړي او ستايل شوی دی.

افغان کرېکټ بورډ حمید حسن د ۲۰۱۰ کال غوره لوبغاړی بللی و او د ۲۰۱۱ کال د ۲۰ اوریزو او یو ورځنیو لوبو لپاره یې لوبډل‌مشر ټاکلی و. حمید حسن په ټولو ۳۵ شل اوريزو لوبو کې برخه اخېستې وه چې ۵۴ لوبغاړي يې سوځولي دي.

 

ایلیټ کپ نیمه پای‌لوبې پیلېږي

Aug 07, 2019 29

کرېکټ بورډ وايي، د چهارشنبې په ورځ د سيدجمال‌الدين افغان ايليټ کپ د لومړۍ درجه (ګرېډ ون) يو ورځنيو ولايتي سيالیو نیمه پای‌لوبه پیلېږي.

چلېنج کپ؛ کندهار له خوست نه په ٢٧ منډو وګټله

Aug 05, 2019 29

د چلېنج کپ لومړۍ درجه (ګرېډ ون) يو ورځنيو ولايتي سياليو اې ګروپ د کندهار او خوست لوبډلو ترمنځ د خوست په لوبغالي کې لوبه وشوه چې کندهار لوبډلې په‌کې په ٢٧ منډو بريا خپله کړه.

د شپږیزې لیګ سیالیو لپاره لوبغاړي وټاکل شول

Aug 04, 2019 29

د کرېکټ بورډ له‌خوا د شپږیزې لیګ د شپږم پړاو سیالیو لپاره د لوبغاړیو د پېر مراسم په کابل کې ترسره شول او د شپږو لوبډلو د مسوولانو له‌خوا هرې لوبډلې ۱۶ـ ۱۶ لوبغاړي واخیستل.

ستاسې نظر

لټون

موږ په فېسبوک کې