د قطر طالبانو ګيله کړې، پاکستان ننګ نه دی ورته کړی

په قطر کې د طالبانو سياسي دفتر ګيله کړې ده چې په پاکستان کې د افغانستان د سولې په اړه غونډه جوړېږي، خو دوی خفه دې چې چا نه دي ورته ويلي چې ور دې شي.

سهيل شاهين د انګلستان رسنيو ته ويلي دي، له رسنيو خبر شوي چې پاکستان ځينې افغان سياسيون اسلام اباد ته ور غوښتي دي، خو دوی نه دي وربلل شوي.

شاهين دغه څرګندونې وروسته له هغه کړې چې افغانستان پاکستان ته د افغان سياسيونو سفرونه تر نامالومې نيټې بند کړل.

تېره ورځ د پاکستان د بهرنيو چارو وزارت وياند زاهد حفيظ چودري وويل، لا هم د پاکستان تمه نه ده ختلې او دغه کنفرانس جوړېدو ته تابيا لري.

ده وويل، رښتيا هم دغه کنفرانس ته طالبان نه دي وربلل شوي، خو وايي، د هغوی چندان اړتيا هم نه شته.

چودري وايي، له طالبانو سره مو له نږدې ډېرې خبرې کړې او نور څه نه دي پاتې چې دوی دې هم را وغوښتل شي او خبرې دې ورسره وشي.

اول ځان، بيا نور له کرونا وساتئ.