د غزني ښار ۵مه حوزه او کمربندي پوستې يو په بل پسې سقوط شوې

د غزني اوسېدونکي وايي، له بېلابېلو خواوو طالب اورپکو پر دغه ښار بريدونه پيل کړي او د ښار پنځمې حوزې، يو په بل پسې د کمربندي پوستو تر سقوط وروسته، سقوط کړی دی.

دوی وايي، د ښار امينيتي کمربند مات شوی او بېلابېلې پوستې پرته له دې چې جګړه وکړي، لاس پورته کوي.

سرخط ورځپاڼې ته په غزني ښار کې د هغه ځای اوسېدونکيو ويلي دي چې طالبانو په يوه وخت پر امير محمد خان کلا، حيدراباد پول، نو اباد، ځنګل باغ او ګنج سيمو باندې بريدونه کړي دي چې تر اوسه روان دي.

د سيمې اوسېدونکي وايي، طالبان د هاوان مرمۍ هم پر ښار اوروي چې پر بېلابېلو ځايو يې را پرېوځي.

دا په داسې حال کې ده چې ولسمشر د حکومت د رهبري له يوې لويې برخې چارواکيو سره د خوست په سفر تللی او هلته هوايي ډګر پرانېزي.

اول ځان، بيا نور له کرونا وساتئ.