کرونا تر هر وخت زيات افغانان وژلي او نيولي دي

د افغانستان د عامې روغتيا وزارت وايي، کرونا د خپل ژوند په تاريخ کې له پرون راهيسې تر ټولو زيات افغانان وژلي چې شمېر يې يو سل او يو تنو ته رسېږي او دوه زره درې سوه او ديارلس نور يې نيولي دي.

له عامې روغتيا وزارت څخه سرخط ورځپاڼې ته په يوه رالېږل شوې خبرپاڼه کې ويل شوي دي چې له دغو نويو شمېرو سره په افغانستان کې په کرونا د اخته شويو کسانو شمېر اته نوي زره، اته سوه او څلورڅلوېښت او ورڅخه د مړو شويو شمېر بيا درې زره، نهه سوه او درڅلوېښت تنه لوړ شوی دی.

دا يوازې هغه شمېرې دي چې ثبت شوې دي، هغه چې ثبت نه دي، ښايي شمېر يې د دې څو چنده وي.

اول ځان، بيا نور له کرونا وساتئ.