د کابل پوليس وايي، د نن ماښام په دوو چاودنو کې درې تنه عام سړي شهيدان شوي او لس نور ژوبل دي.
دغه چاودنې نن ماښام يوه په ګولای دواخانه او بله يې په پل سوخته ميدان کې شوې دي.
دواړه چاودنې د منګوري ماينونو له امله شوې او چا يې مسووليت هم نه دی منلی.
د عربي متحده اماراتو حکومت وايي، د انساني خواخوږي په اساس يې ولسمشر محمد اشرف غني او د هغه کورنۍ ته اجازه ورکړې ده چې د دوی پر هېواد ور کښته شي.
د امريکا متحده ايالاتو د مخکېني افغان حکومت نهه مليارډه او پنځه سوه ميليونه امريکايي ډالر کنکل کړي دي.
د طالبانو لاس ته د کندهار تر لوېدو يوه ورځ وروسته، نن د کندهار ملي راډيو ټلوېزيون نوم اړول شوی او د شريعت غږ په نامه يې خپرونې پيل کړې دي.
0 نظرونه