د ډاکټر محب امريکايي سيال وايي، له طالبانو سره اړيکې بيا ارزوي
۴ دلو ۱۳۹۹ 71 0 نظر سرخط ورځپاڼه

د ډاکټر محب امريکايي سيال وايي، له طالبانو سره اړيکې بيا ارزوي

 

امنيت شورا وايي، د امريکا د ملي امنيت سلاکار جیک سالیوان د افغانستان د ملي امنيت سلاکار ډاکټر حمد الله محب ته په ټلېفون ويلي چې له طالبانو سره د امريکا شوې هوکړه او سولې پروسه له سره ارزوي.

امنيت شورا وايي، په دغه ټلېفوني اړيکه کې سالیوان زياته کړې چې د امريکا حکومت به د امريکا او طالبانو ترمنځ د شوي تړون په اړه له سره بيا کتنه وکړي.

د هغه په وينا، له نورو ډلو سره د طالبانو اړيکو پرېکول، د بين لافغاني خبرو بهیر او د تاوتريخوالي کمول د امريکا د بياکتنې او ارزونې مهم موارد دي.

دى وايي، د امريکا نوی حکومت پر دې ټينګار کوي چې د ډيپلوماسي له لارې افغان حکومت او طالبان يو سياسي حل ته سره ورسېږي او دغه راز په افغانستان کې تل پاتی اوربند وشي.

نوموړي د سولې د روان بهير ملاتړ کړی او ويلي یې دي چې د امريکا حکومت د سولې په بهير کې د افغان ښځو، قومونو او د نورو لاس ته راوړنو پر ساتل کېدو ټينګار کوي.

دا په داسې حال کې ده چې دوه ورځې وړاندې د امریکا منتخب ولسمشر جوبایډن له خوا د بهرنیو چارو وزارت لپاره غوره شوي انټوني بلېنکن هم ورته څرګندونې کړې وې.

د یادونې ده، د حکومت او طالبانو مرکچي پلاوو ترمنځ د سولې بین الافغاني مذاکراتو په لومړي پړاو کې (شاوخوا درې میاشتې) د سولې پر کړنلاره موافقه وشوه او په دویم پړاو کې له درېیو اوونیو وقفې وروسته خبرې يو ځل بيا د مرغومي میاشتې په ۱۷مه په قطر کې پیل شوې.

دا او لا ډېر نور مالومات د سرخط ورځپاڼې پر وېب‌پاڼه ولولئ.

#سرخط

#Sarkhat

يوې امېنداورې کډوالې افغانې په يونان کې ځان سېځلی

Feb 28, 2021 29

د يونان د کډوالو چارو وزارت وايي، د هغه هېواد په لسبوس جزيره کې يوې افغانې کډوالې چې امنېدواره هم ده، د کډوالو په کمپ کې ځان ته اور اچولی دی.

د طالبانو شاعر وايي، توغندي او بې‌پيلوټه الوتکې يې ګوتو ته ورغلې

Feb 28, 2021 29

د طالبانو د قطر دفتر غړی انس حقاني وايي، د طالبانو لاس ته بې‌پيلوټه الوتکې او مزايل ورغلي دي او په ماشه ولاړ دي چې جګړه شروع کړي دي.

ملا انصاري دا ځل د نظام د نسکورولو ګواښ وکړ

Feb 26, 2021 29

ملا مجيب الرحمان انصاري نن په هرات کې ګوته څنډلې ده چې بايد د دې نظام پر ضد پاڅون وشي.

ستاسې نظر

لټون

موږ په فېسبوک کې