په کندوز ولايت کې ځينې امنيتي سرچينې وايي، د دغه ولايت د چهاردرې امنيه قوماندان احمد عمر صالح له طالب اورپکو سره په نښه کې شهيد شوی.
دغه نښته تېره شپه په چهاردره ولسوالي کې شوې ده.
د تر لاسه شويو مالوماتو په اساس، په دغه نښته کې درې نور سرتېري هم شهيدان شوي.
تر اوسه طالبانو په دې اړه څه نه دي ويلي.
د عربي متحده اماراتو حکومت وايي، د انساني خواخوږي په اساس يې ولسمشر محمد اشرف غني او د هغه کورنۍ ته اجازه ورکړې ده چې د دوی پر هېواد ور کښته شي.
د امريکا متحده ايالاتو د مخکېني افغان حکومت نهه مليارډه او پنځه سوه ميليونه امريکايي ډالر کنکل کړي دي.
د طالبانو لاس ته د کندهار تر لوېدو يوه ورځ وروسته، نن د کندهار ملي راډيو ټلوېزيون نوم اړول شوی او د شريعت غږ په نامه يې خپرونې پيل کړې دي.
0 نظرونه