د افغانستان د ملي امنيت سلاکار ډاکټر حمد الله محب د اذربايجان له ولسمشر الهام علياف سره کتلي دي.
ډاکټر محب په دغه ليدنه کې پر دوه اړخيزو اړيکو، نظامي همکاريو، ټرانزيټي پيوستون او سوداګري غږېدلی دی.
دواړو لوريو هوکړه کړې چې اذربايجان به په کابل کې خپل سفارت هم پرانېزي.
د عربي متحده اماراتو حکومت وايي، د انساني خواخوږي په اساس يې ولسمشر محمد اشرف غني او د هغه کورنۍ ته اجازه ورکړې ده چې د دوی پر هېواد ور کښته شي.
د امريکا متحده ايالاتو د مخکېني افغان حکومت نهه مليارډه او پنځه سوه ميليونه امريکايي ډالر کنکل کړي دي.
د طالبانو لاس ته د کندهار تر لوېدو يوه ورځ وروسته، نن د کندهار ملي راډيو ټلوېزيون نوم اړول شوی او د شريعت غږ په نامه يې خپرونې پيل کړې دي.
0 نظرونه