سليمان کاکړ هم استعفا وکړه
د ملي امنيت شورا مرستيال سليمان کاکړ هم له خپلې دندې استعفا کړې ده.
کاکړ ولسمشر ته په خپله لېږل شوې استعفا پاڼه کې لومړى له هغه مننه کړې چې پر ده يې باور وکړ او پر دې دنده يې ګومارلى و.
دی زیاتوي، د ځينو ملحوظاتو او ستونزو له امله نهشي کولى خپلې دندې ته ادامه ورکړي، نو له همدې امله خپله استعفا وړاندې کوي او له ولسمشر يې غوښتي چې استعفا يې منظوره کړي.
د يادونې ده، د ملي امنيت سلاکار حنيف اتمر هم څو ورځې مخکې استعفا ورکړې وه، هغه په خپله استعفا پاڼه کې د حکومت له لوړ پوړو مشرانو سره پر ځينو موضوعاتو اختلافات ياد کړي وو.
0 نظرونه