د ننګرهار والي وايي، ده د پاکستان د قونسلګرۍ په چارو کې لاسوهنه نه ده کړې.
والي حیات الله حیات وايي، د هغه پراخ فساد د مخنیوي لپاره اقدامات کوي چې د پاکستان د ویزو په تر لاسه کولو د قونسلګرۍ څخه بهر موجود دی.
پاکستان له همدې کبله په موقت ډول په ننګرهار کې خپله قونسلګري تړلې ده.
د عربي متحده اماراتو حکومت وايي، د انساني خواخوږي په اساس يې ولسمشر محمد اشرف غني او د هغه کورنۍ ته اجازه ورکړې ده چې د دوی پر هېواد ور کښته شي.
د امريکا متحده ايالاتو د مخکېني افغان حکومت نهه مليارډه او پنځه سوه ميليونه امريکايي ډالر کنکل کړي دي.
د طالبانو لاس ته د کندهار تر لوېدو يوه ورځ وروسته، نن د کندهار ملي راډيو ټلوېزيون نوم اړول شوی او د شريعت غږ په نامه يې خپرونې پيل کړې دي.
0 نظرونه