ولسي جرګه د امنیتي پوستو په سقوط اندېښمنه ده
ولسي جرګه وايي، په ځینو ولایتونو کې د امنیتي پوستو پرله پسې سقوط د اندېښنې وړ مسله ده.
د دې جرګې ريیس عبدالرووف ابراهیمي د شنبې په ورځ د جرګې په عمومي غونډه کې وویل، په خوست، تخار، بدخشان، فاریاب او یو شمېر نورو ولایتونو کې امنیتي پوستې په پرله پسې ډول سقوط کېږي او افغان پوځیانو ته په کې تلفات هم اوړي.
دا په داسې حال کې ده چې تر دې مخکې د میدان وردګ ولایت د جلرېز په ولسوالي کې د یوې امنیتي پوستې ټول امکانات د طالبانو لاس ته ورغلي دي.
0 نظرونه