مديحه ارم؛  چې نن يې يوې سواليې ژوند ژغورلی
۳ جوزا ۱۳۹۹ 311 0 نظر سرخط ورځپاڼه

مديحه ارم؛ چې نن يې يوې سواليې ژوند ژغورلی

 

مديحه ارم د پاکستان په حکومتي هوايي شرکت پي‌ای‌اې کې د ايرهوسټس په توګه کار کوي او ټاکل شوې وه چې نن په هغه بدبخته الوتکه کې کراچۍ ته سفر وکړي چې تر سلو د زياتو کسانو وجودونه بلکې لولپه شول، خو دا په حيرانوونکې توګه ژوندۍ پاتې شوه.

عجيبه خبره دا ده چې د دې ژوند يوې سواليې (؟) ژغورلی او ليکوونکی يې هم نه پوهېږي چې ولې ورڅخه دغه سواليه ليکل شوې ده.

کيسه داسې ده چې نن سهار مديحې ته له دفتره زنګ ورځي چې پر ځان دې ګوتې ووهي، ځکه ټاکل شوې چې ماسپښين به له لاهوره کراچۍ ته په همدې الوتکه کې ځي.

دا هم ځان اماده کوي، خو د غرمې تر يوې بجې موټر نه پسې ورځي.

وروسته چې دفتر ته زنګ وهي، له هغې خوا ورته ويل کېږي چې په ليسټ کې دې نوم ليکل شوی و، خو د نامه مخ ته دې يوه سواليه هم ايښوول شوې وه، ځکه نو موټروان د مديحه ارم پر ځای، د ارم خان په نامه د يوې بلې اييرهوسټس کور ته تللی او هغه يې اخيستې ده.

دې ته د دفتر له خوا ويل شوي چې خير دی، بله ورځ به په دې پسې موټر لاړ شي او مديحه هم پر کور کښېني.

مديحه ارم وايي، وروسته چې يې واورېدل هماغه الوتکه لوېدلې او تر سلو زيات کسان پکې سوخړې پوخړې شوي، فشار يې کښته شوی او تر اوسه ګنګسه ده.

دا وايي، نه پوهېږي بخت يې بيدار دی، ژوند يې وفادار دی او که څه کيسه ده، خو هر څه چې دي، هماغې سواليې کار وکړ.

کله چې د سواليې له ليکواله پوښتنه کېږي چې ولې دې د نامه مخ ته سواليه ليکلې وه، وايي، فکر يې نه و، خدايزده ولې ورڅخه ليکل شوې.

په لاس کې مو دا نښه شته؟

May 26, 2020 29

د ښي لاس ورغوي ته مو وګورئ، که مو د ورغوي له ليکو، لکه د انګلېسي M دغسې نښه جوړېده، نو پوه شئ چې تاسې بې جوړې او ناياب انسان ياست.

يوه هندي يې ښځه په مار چيچلې

May 26, 2020 29

د هند په کيراله ايالت کې يوه سړي خپله سکنۍ مېرمن په مار چيچلې او بيا پوليسو نيولی دی.

تر دې وروسته لېمو داسې نښتېځئ

May 21, 2020 29

تر اوسه چې مو هر ځای ليدلي، خلک لېمو په چاکو يا چاړه په منځ نيمايي کوي او بيا يې نښتېځي، خو دا چاره غلطه ده.

ستاسې نظر

لټون

موږ په فېسبوک کې