په هند او بنګله‌دېش کې توپان ۸۴ تنه وژلي
۲ جوزا ۱۳۹۹ 204 0 نظر سرخط ورځپاڼه

په هند او بنګله‌دېش کې توپان ۸۴ تنه وژلي

 

د هند او بنګله‌دېش ځينې برخې له پرون راهيسې د سخت سمندري توپان تر څپو لاندې دي چې تر اوسه يې څلور اتيا تنه وژلي او ګڼ شمېر کورونه يې نړولي دي.

په دې سربېره، پرېمانه کرنيزې ځمکې د سمندر اوبو وړې او د برېښنا ستنې يې هم چپه کړې دي.

په هند کې تر نورو سيمو کلکته ډېره ځپل شوې ده. هلته د ګڼ شمېر خامو کورونو بامونه پرېوتي، سړکونه اوبو وړي او د برېښنا او ټلېفون ستنې يو په بل پسې چپه شوې دي.

د لوېديز بنګال اعلی وزير ممتا بنرجي وايي، د دوی په ايالت کې دوه اويا تنه مړه شوي دي.

دی وايي، زيات کسان د برېښنا د شارټي او د هغو ونو د پرېوتو له امله مړه شوي چې توپان له بېخه ايستلې دي.

دغه توپان په يوه ساعت کې يو سل او پنځه اتيا کيلو مټره پر مخ روان دی.

هلته بيا په بنګله‌دېش کې تر اوسه پورې لس تنه د توپان له امله مړه شوي.

د امفين په نامه دغه سمندري توپان په تېرو شلو کالو کې تر ټولو زورور او خونړی توپان دی چې اندېښنې يې راپارولې، پرېمانه خلک به ووژني.

پاکستاني پوځ د بلوڅو ګڼې کورنۍ بې کوره کړې

Jun 03, 2020 29

د بلوچستان ملتپال بلوڅ وايي، د بلوچستان ايالت په بېلابېلو سيمو کې د پاکستان پوځ د دوی پر کورنو عمليات پيل کړي دي چې له امله يې نه يوازې د پوځ له خوا بلوڅان مړه او تښتول شوي، [...]

ټرمپ د مظاهره چيانو له وېرې زېرزميني ته کښته شوی

Jun 01, 2020 29

په امريکا کې د يوه سپين پوستي عسکر له خوا د تورپوستي تر وژلو وروسته لاريونونو زور اخيستی دی چې له وېرې يې ويل کېږي، ډونلډ ټرمپ زېرزميني ته کښته شوی دی.

په خضدار کې وسله والو پنځه تنه ويشتي

May 31, 2020 29

تر ډېورنډ کرښه پورې غاړه د بلوچستان په خضدار سيمه کې ناپېژاندو وسله‌والو پر لاره پر روانو کسانو ډزې کړې او پنځه تنه يې ويشتي دي.

ستاسې نظر

لټون

موږ په فېسبوک کې