ملګرتیا
۱۲ عقرب ۱۳۹۸ 239 0 نظر سرخط

ملګرتیا

ملګرتیا

سلامونه يارانو!

راځئ نن د ملګرتيا په هکله دا کيسه ښه په ارامه ولولو، خو ګورئ هر وخت له خپلو ملګرو سره يو ځای درس واياست يو ځای لوبې او ساعتېری کوئ، که يو ملګری مو ناروغ او يا خپه و، پوښتنه يې کوئ؛ نو به مو تل تر منځ مينه پاتې وي؛

***

زه او سېرلۍ ډېرې نږدې ملګرې وو، تل به مو يو ځاى لوبې کولې، موږ به د خوېندو په شان يو ځاى ښوونځي ته تلو او تل به په مو درسونو کې يو له بلې سره مرسته کوله چندرو، پنجاق او د نانځکو ګډول دا زموږ د خوښې لوبې وې.

موږ يوه بله ملګرې هم درلوده چې نېکبخته نومېده، هغې به يوازې سلام عليک ويل، نه به ېې موږ سره لوبې کولې او نه به را سره ښوونځي ته تله، تل به ارامه وه.

يوه ورځ موږ لوبې کولې چې سېرلۍ راته وويل؛ هلته ګوره نېکبخته زموږ خوا ته را روانه ده. همدا چې نېکبخته نږدې شوه؛ نو ډېره خپه ښکارېده، ژر مو پوښتنه ځنې وکړه؛

هی!!!! پر تا څه شوي ولې داسې خپه یې؟

هغې موږ ته مخ را واړوه او ويې ویل؛ تاسې تل يو بل سره لوبې کوئ، ښوونځي ته ځئ، خوشاله خوشاله ګرځئ، خو همدا لوبې زه هم کوم، زه هم ښوونځي ته ځم، خو هيڅ خوند نه را کوي، زه او سېرلۍ دواړې په خندا شوو او نېکبختې ته مو وويل، دا ځکه چې ته دا ټول يوازې کوې، که له موږ سره يو ځاى شې؛ نو هر څه به درته زموږ په شان ښکاره شي، ځکه هر کار په ملګرتیا کې خوند کوي، په دې کې مينه نوره هم زياتېږي. له هغې ورځې وروسته نېکبخته هم زموږ ملګرې شوه، لا تر اوسه هم موږ ملګرې یو، په خوشالې سره ښوونځي ته ځو او ګډې لوبې کوو.

 

ځنګل او د زړې بیزو کیسه

Dec 18, 2019 29

اجمل تورمان لومړۍ برخه په ځنګله کې د تبرونو غږونو بیزوګان وېرولي وو. هغوی وارخطا وو چې که انسانان د ځنګله ونې ووهي موږ به چېرې ځو؟

د کتاب خوږې خبرې

Dec 16, 2019 29

سلامونه انډيوالانو! خدای دې وکړي چې روغ به یاست او ژمني کورسونه به مو له خيره پيل کړي وي او یا به تيار ورته نيسئ، خو راځئ نن کتاب ته غوږ ونيسو چې موږ او تاسې څه خبرې کوي؛

زه څوک يم؟

Dec 08, 2019 29

سلامونه ګلاليو ماشومانو! خدای دې وکړي چې ازموينې مو په خير تېرې شوې وي، نن راځئ د اغلې فرشتې صالحي دا شعر سره ولولو، خو تر لوستلو وروسته بیا د ټولګې کتابونه هم واياست؛

ستاسې نظر

لټون

موږ په فېسبوک کې