د پاکستان د زېږېدو په کالېزه، په بلوچستان کې ګڼ بريدونه شوي
۲۳ اسد ۱۳۹۸ 934 0 نظر سرخط ورځپاڼه

د پاکستان د زېږېدو په کالېزه، په بلوچستان کې ګڼ بريدونه شوي

 

پاکستانيانو نن د دغه هېواد د زېږېدو دوه اويايمه کاليزه نمانځله چې يوازې په بلوچستان کې د دغې ورځې د نمانځنې پر مراسمو او پاکستاني عسکرو ګڼ بريدونه او چاودنې شوې.

تېره شپه د بلوچستان د مشکي په جکي سيمه کې د کالېزي د مراسمو په تابيا بوخت عسکر تر اور لاندې نيول شوي چې پکې شپږ پاکستاني عسکر ځای پر ځای مړه او څلور نور ژوبل شوي.

د مشکي په ګجلي سيمه کې بيا نن سهار د پاکستاني عسکرو پر پوستو بريدونه شوي دي

د بلوڅو د ازادي غورځنګ ډلې وياند ګهرام بلوڅ وايي، په دغه دويم بريد کې درې عسکر وژل شوي او دوه نور ژوبل شوي دي.

دی وايي، تر هغه به پر پاکستاني عسکرو د دوی بريدونه روان وي چې بلوچستان يې ورڅخه پاک کړی نه وي.

په دې سربېره، نن د بلوچستان په حب، بولان او کيچ سيمو کې هم پر پاکستاني عسکرو بريدونه شوي دي.

د بلوڅو د ازادي لښکر وياند جييند بلوڅ وايي، د دوی سرتېرو د حب علي شير پيټرول پمپ ته څېرمه د پاکستان د زېږېدو د کالېزې پر مراسمو بريدونه کړي دي چې نمانځونکيو ته يې درنه مرګ ژوبله ور اړولې ده.

دی وايي، د اګسټ څوارلسمه بلوڅو ته هيڅ مانا او ارزښت نه لري.

د بلوڅو د متحد لښکر وياند مريد بلوڅ بيا د بولان په ګوکړت سيمه کې د پاکستاني عسکرو پر پوستو د بريدونو ادعا کوي او وايي، څلور پاکستاني عسکر يې وژلي او ګڼ شمېر نور يې ژوبل کړي دي.

د پنجګور په ګچک کهن سيمه کې بيا د پاکستاني عسکرو پر پوستو د بريدونو مسووليت لشکر بلوچستان ډلې منلی او پاکستاني عسکرو ته پکې د درنې مرګ ژوبلې ادعا کوي.

هلته بيا د مستونګ په پشکرم سيمه کې د پوليسو د قوماندان پر موټرو چاودنه شوې چې د لومړنيو ترلاسه شويو راپورونو په اساس، د قوماندان په ګډون څلور پوليس پکې وژل شوي او همدومره نور ژوبل دي.

د دغې چاودنې مسووليت تر اوسه چا نه دی منلی.  

د پښتون ژغورنې غورځنګ مشر تښتول شوی

Jan 27, 2020 29

د پښتون ژغورنې غورځنګ مشر منظور پشتين تېره شپه د پېښور له تهاکال سيمې څخه له څو نورو ملګرو سره وړل شوی او تر اوسه يې لوری نه دی مالوم.

هند ډاکټر ناکامورا ته پدما شري اېوارډ ورکوي

Jan 26, 2020 29

د هند حکومت د هغو کسانو په نوملړ کې د ډاکټر ناکامورا نوم هم ور زيات کړی دی چې ټاکل شوې سږ کال به د دغه هېواد څلورم لوی ايوراډ ورکول شي.

ايران وايي، که امريکا ځان وخوځاوه، دوبۍ او اسراييل تر اور لاندې نيسي

Jan 08, 2020 29

ايران تازه ګواښ کړی دی که چې د امريکا متحده ايالاتو د دغه هېواد پر ضد د غچ اخيستنې په پار ځان هم وخوځاوه، اسراييل او عربي متحده امارات به په توغنديو وولي.

ستاسې نظر

لټون

موږ په فېسبوک کې