په کندهار کې دوو پولیسو خپل ۹ ملګري شهیدان کړي

په کندهار کې دوو پولیسو خپل ۹ ملګري شهیدان کړي
۱۴ اسد ۱۳۹۸ 137 0 نظر sarkhat.af

د کندهار د پوليسو ویاند جمال بارکزی وايي، د دغه ولایت په شاه‌ولي‌کوټ ولسوالي کې دوو نفوذي پولیسو خپل ۹ ملګري شهیدان کړي دي.

د هغه په خبره، یاده پېښه د کندهار– روزګان پر لویه لار د شاه‌ولي‌کوټ ولسوالي په تور کوتل سیمه کې شوې ده.

د بارکزي په باور، بریدګر پوليس له وړاندې له وسله‌والو طالبانو سره په اړیکه کې و او تر پېښي وروسته يې د کوتل پوستې وسلې هم له ځانه سره وړې دي.

د پوليسو په لیکو کې داخلي بریدونه یوه جدي ستونزه بلل کېږي او چارواکي وايي، د مخنیوي لپاره يې ځانګړې هڅې پيل کړې دي.

دا پېښه داسې مهال کېږي چې د کندهار امنیتي مسوولان د یاد ولایت په میوند ولسوالي کې د پولیسو په لیکو کې د وسله‌والو طالبانو د دوو نفوذي کسانو د نیول کېدو خبر ورکړی دی.

وسله‌والو طالبانو د شاه‌ولي‌کوټ ولسوالي د تور کوتل برید مسوولیت منلی، خو په میوند ولسوالي کې د نفوذي کسانو د نیول کېدو په اړه یې څه نه‌دي ویلي.

په لغمان كې چاڼیز عمليات پیل شوي

Aug 05, 2019 29

د لغمان د والي وياند اسدالله دولتزی وايي، افغان ځواکونو د دغه ولايت په الينګار ولسوالي کې د ملي اردو په مشرۍ چاڼیز عمليات پیل کړي دي.

په هلمند كې د طالبانو پر پټنځايونو بريدونه شوي

Aug 05, 2019 29

په هلمند كې د ۲۱۵ ميوند قول‌اردو وايي، د افغان ځواكونو په هوايي بريدونو كې ۸ وسله‌والو طالبانو ته مرګ‌ژوبله اوښتې ده.

په فاریاب کې ۳۶ طالبان وژل شوي

Aug 05, 2019 29

کورنیو چارو وزارت وايي، طالبانو د فاریاب ولایت په بلچراغ ولسوالي کې ترهګریز بریدونه کړي چې د امنیتي او دفاعي ځواکونو له‌خوا پر شا تمبول شوي دي.

ستاسې نظر

لټون

موږ په فېسبوک کې