د زېوراتو غله
۱۴ اسد ۱۳۹۸ 236 0 نظر سرخط

د زېوراتو غله

د زېوراتو غله

ډېرې ښځې له زېوراتو په تېره بیا له سروزرو، سپینوزرو او نورو بېلابېلو ګاڼو او قېمتي ګاڼو سره د سينګار لپاره مینه لري، خو له سرو زرو سره د یوې ښځې مینې ټول خلک حیران کړل.

ښځې معمولاً سره‌زر په ګوته کې اچوي، د غوږوالۍ لپاره ترې ګټه اخلي او داسې نور سينګاري توکي ترې جوړوي، خو د هندي رسنیو د مالوماتو له مخې، په هند کې یوې مېرمنې په لکونو روپیو سره‌زر خوړلي وو.

په مغربي بنګال کې د روني په نوم ۲۲ کلنې ښځې ناببره طبېعت خراب شو او د هر څه خوړلو وروسته یې زړه بد بد کېده چې همدې ستونزې تر روغتونه ورسوله.

ډاکټرانو چې یې هلته ورته طبي معاینه وکړه، ډاکټران تر معاینې وروسته هک پک او ګوته په غاښ پاتې شول، ځکه د روني په خېټه کې د زېوراتو ذخیره پرته وه.

د هندي رسنیو د مالوماتو له مخې، د روني په خېټه کې تر عملیاتو وروسته د سروزرو نږدې ۷۰ ځنځیري غاړه‌کۍ، ۸۰ کړۍ لاس بندونه، ۸ لاکټونه، ۱۱ چارګلونه، ۵ پایزېبونه او یو ګړۍ پیدا شول.

د دې مېرمنې مور وايي، روني دا ټول زېورات د خپل ورور له زرګري تر لاسه کړي وو او هيڅکله یې باور هم نه کېده چې د هغې له خېټې دې داسې څه را ووځي.

د روني کورنۍ وايي، هر کله به چې په کور کې د سروزرو څه ورک شول، هغې به ترې ناخبري ښودله، خو په اصل کې له زېوراتو سره د هغې مینې داسې حالت ته راوستې وه.

ډاکټران وايي، کله چې یې روني روغتون ته یوړه، دومره کمزورې شوې وه چې هيڅ یې خوړلای نه ‌شول او د درېدو توان یې هم نه درلود او په وینا یې د عملیات پر مهال د هغې حالت هم د اندېښنې وړ و، ځکه وینې ته یې ډېره اړتیا پېښېدله.

رنویر سنګهـ ؛ ما ووژنه!

Dec 11, 2019 29

دیپیکا په خپل انسټاګرام پاڼه کې ۴۱ میلیونه فالورز لري

د يو لک ۲۰ زره ډالرو کېله

Dec 11, 2019 29

د میامي په یوه ګالري کې دغه کیله په یو لک او شل زره ډالره وپلورل شوه چې څه کم سل لکه افغانۍ کېږي. بله يې لا دا چې له دې وروسته یوه بله کېله هم په همدې بیه وپلورل شوه.

 دیپکا به په هاليووډ کې ولوبېږي؟

Dec 09, 2019 29

د بالیووډ مشهورې ستورې دیپکا پاډوکون په اړه له څو ورځو راهیسې دا خبره کېږي چې ګواکې هغې هالیووډ ته د تلو تابیا نيولې.

ستاسې نظر

لټون

موږ په فېسبوک کې