ناسم اعلانونه دا ستونزې هم لري

ناسم اعلانونه دا ستونزې هم لري
۱۷ سرطان ۱۳۹۸ 118 0 نظر سرخط

ناسم اعلانونه دا ستونزې هم لري

په اسټرالیا کې یو کمېسیون د ځیرکو موبایلونو مشهورې کمپنۍ سمسونګ پر خلاف قضیه پرانيستې چې دې کمپنۍ په خپل نوي ماډل ځیرک موبایل ايس لس کې د اعلاناتو پر مهال مبالغه یا زیاتی کړی دی.

د اسټرالیا د سیالې او پېرودونکیو کمېسیون پر سمسونګ کمپنۍ تور پورې کړی چې دوی په خپلو اعلاناتو کې خلک تېر ايستلي، ځکه سمسونګ په یوه اعلان کې یو ځیرک مبایل ښيي چې یو لامبوزن یې د سمندر په مالګینو اوبو کې دننه کوي.

خو کمېسیون وايي، سمسونګ په دې اعلان کې زیاتی کړی دی، ځکه په وینا یې، ښايي د سمسونګ دا ځیرک موبایل به د اوبو پر وړاندې مقاومت ولري، خو د سمندر مالګینو یا د لامبو لپاره اوبو پر وړاندې مقاومت ادعا یې ناسمه ده.

سمسونګ پر خپله ویب‌پاڼه مشتریانو ته سپارښتنه کړې چې نوی ماډل موبایل دې په لامبو ځایونو او سمندر غاړو کې نه‌ کاروي، ځکه دې شرکت نوی موبایل بشپړ نه ‌دی ازمایلی، خو وايي کمپنۍ د مشتریانو د جلبولو لپاره داسې کار کړی چې په خبره یې باید داسې یې نه وای کړی.

سمسونګ زیاته کړې، دوی په خپل اعلان ولاړ دي او د محکمې پر وړاندې به ترې دفاع وکړي، خو که په محکمه کې سمسونګ دا دوسیه وبایلي، ښايي غټه جریمه پرې ولګول شي.

له دې وروسته به د لوږې خطر کم شي

Jul 17, 2019 29

د خوړو نړیوال سازمانونه د هر کال په تېرېدو سره د پروټین د کمېدو په اړه اندېښنې څرګندوي، خو په فنلينډ کې یوې کمپنۍ د هغوی ستونزو ته د پای ټکی ایښودو هڅې پیل کړې دي.

اپلیکېشونونه غلاوې هم کوي

Jul 16, 2019 29

د انټرنيټ په نړې کې شخصي ډېټا ته د هکرانو لاسرسی اوس په سخته سرخوږي بدل شوی، ځکه اوس په نړۍ کې له همدې لارې د جاسوسي ډېر کارونه کېږي.

په موناکو کې 5G انټرنيټ

Jul 15, 2019 29

که مو په یاد وي یو ځل مو د 5G یا پنځم نسل انټرنيټ د ګټو او زیانونو په اړه درسره څو مطالب شریک کړي وو او په دې اړه په نړۍ کې ځینو هېوادونو ځینې اندېښنې هم لرلې.

ستاسې نظر

لټون

موږ په فېسبوک کې