په یونیم کال کې نږدې ۷ زره ونزوېلایان وژل شوي
۱۵ سرطان ۱۳۹۸ 138 0 نظر سرخط

په یونیم کال کې نږدې ۷ زره ونزوېلایان وژل شوي

په یونیم کال کې نږدې ۷ زره ونزوېلایان وژل شوي

ملګري ملتونو په یوه راپور کې ویلي، په تېر یونیم کال کې په ونزوېلا کې د امنیتي عملیاتو پر مهال نږدې اووه زره ونزوېلایان وژل شوي او خبرداری یې ورکړی چې ډېرې وژنې اعدامونو ته ورته دي.

د ملګرو ملتونو په خپاره شوي راپور کې زیاته شوې، خلک په زوره نیول شوي، ویشتل شوي او د جرمونو صحنې په لوی لاس داسې جوړې شوي چې وښيي، دوی له پولیسو سره مقاومت کاوه.

سرچینه زیاتوي، د امنیتي ځواکونو له‌خوا له محاکمو پرته د ترسره شویو وژنو ادعا ډېره ټکان ورکوونکې بلل شوې او په ورته وخت کې مدني ټولنو او اقتصادي حقونو دا سخت تېری بللی او د ونزوېلا له چارواکیو یې د سمدستي پای ته رسېدو غوښتنه کړې ده.

که څه هم د ونزوېلا د ولسمشر نېکولاس مادورو ادارې تر اوسه د دغه راپور په اړه رسمي غبرګون نه‌دی ښودلی، خو پخوا یې دا ډول تورونه په کلکه رد کړي او دا یې د امریکا تشې اوازې بللې دي.

ولسمشر نېکولاس مادورو په ۲۰۱۳م کال واک ته رسېدلی او د تېر کال له جنجالي ټاکنو وروسته یې په جنوري کې د دویم ځل لپاره د ولسمشر په توګه لوړه وکړه، خو ونزوېلا له هغې وروسته له سیاسي بحران سره مخامخ شوه چې د اپوزېسیون مشر خوان ګوایدو په خپله ځان ولسمشر اعلان کړ.

په کچلاغ کې د طالبانو په مهم مرکز کې چاودنه شوې

Aug 16, 2019 29

نن ماسپښين د کوټې په پنځه ويشت کيلو مټري کې، د کچلاغ په وزير اباد سيمه کې د طالبانو په يوه مهم مرکز کې چاودنه شوې ده.

د پاکستان د زېږېدو په کالېزه، په بلوچستان کې ګڼ بريدونه شوي

Aug 14, 2019 29

پاکستانيانو نن د دغه هېواد د زېږېدو دوه اويايمه کاليزه نمانځله چې يوازې په بلوچستان کې د دغې ورځې د نمانځنې پر مراسمو او پاکستاني عسکرو ګڼ بريدونه او چاودنې شوې.

پاکستان او هند سفيران ولاړ کړل

Aug 08, 2019 29

پاکستانۍ رسنۍ وايي، دغه هېواد په پاکستان کې د هند سفير ته ورياده کړې ده چې اسلام‌اباد خوشې کړي او خپل وطن ته ستون شي.

ستاسې نظر

لټون

موږ په فېسبوک کې