په هند کې د افغاني کرنیزو محصولاتو ځانګړی نندارتون جوړ شو
۳۱ جوزا ۱۳۹۸ 186 0 نظر سرخط

په هند کې د افغاني کرنیزو محصولاتو ځانګړی نندارتون جوړ شو

د کرنې وزارت وايي، د هندوستان په ممبيي ښار کې یې د افغانستان د کرنیزو محصولاتو یوه نندارتون جوړ کړی دی.

له یاد وزارت څخه په خپرو شویو مالوماتو کې زیاته شوې، «د غوره طبیعت» په نوم یاد نندارتون د امریکا د نړیوالې پراختیا ادارې (USAID) د باغدارۍ، سوداګرۍ او د کرنیزو محصولاتو د بازارموندنې بنسټ له لوري جوړ شوی دی.

سرچینه زیاتوي، یاد نندارتون د کرنې وزارت د مالي او اداري مرستیال محمدطاهر ایوب، د سوداګرۍ او صنایعو وزارت مرستیالې مقدسې یورش او د هند د ممبي «مهار شترای» ایالت د کانونو او سوداګرۍ خونې د مسوولانو له لوري او د افغان سوداګرو په ګډون د جمعې په ورځ پرانېستل شوی چې دوه ورځې به دوام وکړي.

په دې نندارتون کې افغان سوداګرو خپل باغي او کرنیز محصولات په ۵۷ غرفو کې نندارې ته ایښودل شوي او د کرنې وزارت د شمېرو له مخې، تر اوسه ۸۰۰ سوداګرو یاد نندارتون ته د لېدو لپاره نوم‌لیکنه کړې ده.

د کرنې وزارت وړاندوینه کړې چې افغانستان به په دې نندارتون کې د خپلو محصولاتو لپاره د شاوخوا ۳۰ مېلیونه ډالرو په ارزښت قرارداد تر لاسه کړي.

په هند کې د افغاني محصولانو جوړ شوي نندارتون کې وچه او تازه مېوه، زعفران، طبي بوټي، شات او د افغانستان ځینې نور کرنیز محصولات د دوو ورځو لپاره نندارې ته اېښودل شوي دي.

 

 

سږ کال تر اوسه ۲۵۵ ټنه تازه مېوه بهر ته صادره شوې

Aug 06, 2019 29

 د سوداګرۍ او صنایعو وزارت وایي، سږ کال تر اوسه ۲۵۵ ټنه تازه مېوه بهرنیو هېوادونو ته صادره شوې، چې د تېر کال په پرتله د تازه میوو په صادراتو کې ۳۰ سلنه ډېروالی ښيي.

په کندز کې د خټکیو او هندواڼو حاصلات ۱۵ سلنه لوړ شوي

Aug 05, 2019 29

د کندز د سوداګرۍ خونې ویاند مسعود وحدت وايي، سږ کال په کندز ولایت کې د خټکیو او هندواڼو تولیدات د تېر کال په پرتله ۱۵ فیصده لوړ شوي دي.

په کندهار کې د انګورو حاصلات ډېر شوي

Jul 22, 2019 29

د کرنې وزارت ویاند اکبر رستمي وايي، په کندهار ولایت کې د تېر کال په پرتله د انګورو حاصلات پنځلس سلنه زیات شوي دي.

ستاسې نظر

لټون

موږ په فېسبوک کې