په کرېکټ بورډ کې تازه بدلونونه راغلي

په کرېکټ بورډ کې تازه بدلونونه راغلي
۲۲ جوزا ۱۳۹۸ 155 0 نظر سرخط

په کرېکټ بورډ کې تازه بدلونونه راغلي

د کرېکټ بورډ عمومي رییس عزیز الله فضلي د سه‌شنبې په ورځ د یوې خبري ناستې له لارې د بورډ په غړیو او نورو برخو کې د ځینو بدلونونه خبر ورکړ.

په نویو بدلونونو کې د حکمت خلیل کرزي، اکلیل حکیمي، سید منصور سعادت نادري او احمدشاه سنګ‌دل پر ځای، د ښار جوړولو او ځمکو سرپرست وزیر محمدجواد پیکار، د مشرانو جرګې غړې ګلالۍ نور ساپۍ، د ولسمشر ستر سلاکار ضياالحق امرخېل او په پاکستان کې افغان سفیر شکراالله عاطف مشعل د بورډ غړي معرفي شول.

دغه راز د غوراوي کمېټې په برخه کې د دولت خان احمدزي او پاچا حسین پر ځای انډي مولز او مجاهد ځندران ټاکل شوي او د غوره لیګ کمېټې لپاره هم شاهد الکوزی، عتیق عباس، منهاج او دریځ غوره شوي دي.

د کرېکټ بورډ رییس په ورته وخت کې ټینګار کړی چې له نړیوال جام وروسته ښايي د ملي لوبډلې په جوړښت کې هم ځینې بدلونونه راشي.

کرېکټ؛ امو زون لوبډلې په ١٥ منډو بريا خپله کړه

Sep 15, 2019 29

د غازي امان الله خان جام يو ورځنيو سياليو په لړ کې د امو زون او مس عينک زون لوبډلو تر منځ د ننګرهار په غازي امان الله خان لوبغالي کې لوبه ترسره شوه چې امو زون په ١٥ منډو بريا خپله [...]

په ننګرهار کې د زونونو تر منځ د کرېکټ سیالۍ پیل شوې

Sep 11, 2019 29

د ۲۰۱۹ کال د غازي امان خان د زونونو تر منځ یو ورځنۍ لوبې د ننګرهار ولایت په غازي امان الله خان کرېکټ لوبغالي کې پیل شوې.

شل ‌اوريزه لوبډله د بنګله‌دېش پر لور وخوځېده

Sep 07, 2019 29

د بنګله‌دېش او زمبابوې لوبډلو سره د درې‌اړخيزه شل ‌اوريزو سياليو لپاره د افغانستان شل اوريزې لوبډلې لوبغاړي د بنګله‌دېش پر لوري وخوځېدل.

ستاسې نظر

لټون

موږ په فېسبوک کې