په لوګر کې د نجونو زده‌کوونکو شمېر زیات شوی

په لوګر کې د نجونو زده‌کوونکو شمېر زیات شوی
۲۴ ثور ۱۳۹۸ 225 0 نظر زین الله احمدي

په لوګر کې د نجونو زده‌کوونکو شمېر زیات شوی

 د لوګر د پوهنې رییس عبدالوکیل کلیوال وایي، سږ کال د تېر په پرتله د دغه ولایت په ښوونځیو کې د نجونو زده‌کوونکو شمېر زیات شوی دی.

کلیوال سرخط ته وویل، روان کال د دغه ولایت د مرکز او ولسوالیو په ۲۷۳ ښوونځیو کې ۷۲۲۰ تنې نجونې شاملې شوې دي.

د هغه په خبره، د روان ښوونیز کال د حمل او ثور په میاشتو کې ۲۰۳۰۰ زده‌کوونکي په ښوونځیو کې جذب شوي چې ۱۳۰۸۰ تنه یې هلکان او پاتې یې نجونې دي.

ده زیاته کړه، د زده‌کړو پر ارزښت د خلکو پوهېدل، د ديني عالمانو، قومې مشرانو او ځوانانو هڅې همدا راز د ښوونځي د عمر ماشومانو د جذب لپاره کمپاینونه کول د دې لامل شوي چې تر بل هر وخت ډېرې نجونې په ښوونځیو کې شاملې شي.

 د مالوماتو له مخې، په لوګر کې د نجونو او هلکانو ۲۷۳ ښوونځي شته چې د ۴۱۳۷۶ نجونو په ګډون ۱۳۷۲۳۰ زده‌کوونکي لري.

 

 

پوهنې وزارت په ښوونځیو کې د پیسو ټولول منع کړل

Jul 14, 2019 29

پوهنې وزارت په ټول هېواد کې له ښوونکیو او زده‌کوونکیو نه د هر ډول پیسو ټولول منع اعلان کړل.

ولسمشر: ژر به د کندهار پوهنتون تشکیلات پوره شي

Jul 04, 2019 29

ولسمشر غني وايي، لوړو زده‌کړو وزارت د کندهار پوهنتون د تشکیلاتو د کمبود طرحه چمتو کړې، چې ژر به تایید او عملي شي.

د لوګر تړلي ښوونځي بېرته فعال شول

Jun 15, 2019 29

د لوګر د پوهنې رئیس عبدالوکیل کیلوال وایي، د دغه ولایت د محمداغې ولسوالۍ د دهنو په کلي کې د خلکو له‌خوا د نجونو او هلکانو اته تړل شوي ښوونځي بېرته پرانیستل شول.

ستاسې نظر

لټون

موږ په فېسبوک کې