طالبان په سرپل کې له لومړنیو پورته زده‌کړو ته نجونې نه پرېږدي
۱۶ ثور ۱۳۹۸ 490 0 نظر سرخط

طالبان په سرپل کې له لومړنیو پورته زده‌کړو ته نجونې نه پرېږدي

د سرپل د پوهنې رییس احمدخان وايي، د سږني ښوونیز کال له پیل راهیسې سلګونه هغه نجونې ښونځیو ته له تګه منع شوي چې له لومړنۍ دورې یا شپږم ټولګي پورته زده‌کړې کوي.

هغه زیاتوي، په ځینو محدودو سیمو کې طالبانو د قومي مشرانو په منځګړتوب نجونو ته تر اووم او ان نهم ټولګيو پورې د زده‌کړو اجازه ورکړې، خو په وینا يې لا هم دېرش داسې ښوونځي شته چې نجونې ورته نه پرېښودل کېږي.

د احمدخان په خبره، طالبانو د سرپل په ډېرو برخو، لکه د مرکز په ځینو سیمو او په سنچارک، سوزمه‌کلا، صیاد، بلخاب او ګوسفندي ولسوالیو کې پر دولت فضا تنګه کړې، په کومو ځایونو کې چې دوی واک لري، هلته یې په له شپږم ټولګي پورته د نجونو ټولګي رخصت کړي او د زده کړو حق نه ورکول کېږي.

د پوهنې وزارت ویانده نوریه نزهت بیا وایي، د ستونزې هواري لپاره یې د قومي مشرانو او د ښوونځیو د شوراګانو په منځګړتوب هڅې پیل کړې دي.

روان کال په پکتیا کې ۱۶۳ ښوونځیو ته ودانۍ جوړې شوی

Feb 26, 2020 29

په پکتیا کې د ۶ میلیارده افغانیو په ارزښت ګڼې پروژې پلې شوې دي او راتلونکې کال لپاره هم شپږ مېلیارده افغانۍ ځانګړې شوې.

پوهنې وزارت په ښوونځیو کې د پیسو ټولول منع کړل

Jul 14, 2019 29

پوهنې وزارت په ټول هېواد کې له ښوونکیو او زده‌کوونکیو نه د هر ډول پیسو ټولول منع اعلان کړل.

ولسمشر: ژر به د کندهار پوهنتون تشکیلات پوره شي

Jul 04, 2019 29

ولسمشر غني وايي، لوړو زده‌کړو وزارت د کندهار پوهنتون د تشکیلاتو د کمبود طرحه چمتو کړې، چې ژر به تایید او عملي شي.

ستاسې نظر

لټون

موږ په فېسبوک کې