که ښځې ژوند غواړي داسې کس دې انتخاب کړي

که ښځې ژوند غواړي داسې کس دې انتخاب کړي
۱۵ ثور ۱۳۹۸ 210 0 نظر سرخط

اول؛

تکړه نارينه «خاوند» په خپل ځان باوري او متکي وي، په هر څه نارې جنجال نه جوړوي، زارۍ او احتياج تر خپله وسه نه کوي او د نورو د بې‌ځايه شکايتونو پروا هم نه لري، په خپله ښه تصميم لري، هغه مسووليتونه چې ور تر غاړې وي په خوښې کوي، ژوند ته محکم ولاړ وي او له هرې سختې ی سره ټټر وهي، لڼده دا چې د کورنۍ د ملا تير وي که نه وي کور يې وران وي.

دويم؛

 واقعي نارينه «خاوند» هر وخت په خپلو کارونو متمرکز وي بې‌ځايه وخت نه تېروي او هغه چارې نه کوي چې ګټه نه لري. تر ډېره که د تفريح موکه ولري هم په يو دليل يې تېروي. کور او لګښت ته يې فکر وي او تل په دې کار متمرکز وي چې کورنۍ څنګه وچلوي.

درېیم؛

 تکړه نارينه ته د کورنۍ اهميت تر ټولو ښه مالوم وي او تل په دې هڅه کې وي چې اولادونه، ښځه او نور غړي يې سالم، منظم، او خوښ وي. تر ډېره يې اولادونو تربيې ته پام وي چې د الله له تحفې سره څه وکړي.

څلورم؛

تکړه نارينه تر وعده خلافي مرګ ښه بولي او هر څه چې وايي هغه عملاً کوي کوم څه چې يې له وسه نه وي پوره په خوله يې هم نه راوړي، ځکه دی دا فکر کوي کوم کار چې نه‌شې کولای په وعدې يې هم مه کوه.

پنځم؛

 تکړه نارينه غواړي په يوه غوره نمونه بدل شي؛ نو ځکه تل د خپل شخصيت ساتنه کوي او په دې هڅه کې وي چې د نورو زيات زيات درناوی وکړي په تېره بيا دا رنګ کس د خپلو بچيانو ښه نمونه کېدلای شي چې هغوی د ده چلند وويني او تقليد يې کوي.

شپږم؛

بله ځانګړنه يې دا وي چې ښځې ته واقعي درناوی لري په دې خاطر چې هغه دالله «ج» مهربانه مخلوق دی که مېرمن وي، مور، خور، لور ... او دوی ته د قانون شريعت له نظره ګوري او دا کوښښ کوي چې هم خدای او هم دوی راضي کړي.

تکړه نارينه «خاوند» په کور کې له مېرمن سره  د هغې د اهميت او ارزښت له مخې چلند کوي همدارنګه له مينې سره سره د هغې ساتنه هم کوي.

 

 

 

په ګډ ژوند کې څلور مهمې نکتې

Aug 07, 2019 29

دا اسانه خبره نه ده چې د ښځې او خاوند تر منځ همېشنۍ مينه پاتې وي، خو په دې شرط چې متقابل احترام، مينه او څه نا څه مشترک مقررات ولري. په دې ليکنه کې غواړو هغه څه درته وړاندې کړو چې [...]

په انتخاب کې ښه پام کوئ

Jul 16, 2019 29

لومړۍ برخه د ګډ ژوند د برخي متخصصان ټولن‌پوهان په دې باورې دي چې د انتخاب په هکله تصميم تر ټولو ګران کار دی؛ نو په دې کې بايد د کومو ځانګړنو نارينه انتخاب کړئ! حال دا دی چې تر [...]

په مېړه څنګه ګرانې شو؟

Jul 14, 2019 29

په ژوند کې ځينې مقررات او نکتې پېژندل نه يوازې يو بل سره ګرانوي، بلکې نور يې هم يو بل ته مينه څو چنده ډېرېږي چې تر زړبودنه لا يو بل ته خواږه وي.

ستاسې نظر

لټون

موږ په فېسبوک کې