که غواړئ سرطان مو ونه نیسي، د شپې ډوډۍ مه خورئ

که غواړئ سرطان مو ونه نیسي، د شپې ډوډۍ مه خورئ
۱۷ حمل ۱۳۹۸ 296 0 نظر info@sarkhat.af

که غواړئ سرطان مو ونه نیسي، د شپې ډوډۍ مه خورئ
ډاکټر شفیق‌الله میرکی
په امریکا کې د یوې تازه څېړنې له مخې، که د شپې له‌خوا د ۱۳ ساعتونو لپاره ډوډۍ و نه خوړل شي، دا به د سرطان په مخنیوي کې مرستندویه رول ولوبوي؛ دا تر ټولو اسانه لار ده چې مېرمنې د سینې له سرطان نه پرې ځان وژغوري.
د امریکا په کالیفورنیا پوهنتون کې څېړونکي وايي، د خوراک وخت او مهال‌ویش پر غذايي رژیم او د شکر، زړه او سرطان پر ناروغیو خپل اغېز لري.
د څېړنې له مخې، د شپې له لوري له خوړو د لاس اخېستلو مانا دا ده چې یوازې ډوډۍ و نه خورئ، اوبه نه یوازې پروا نه‌لري، بلکې ګټې هم لري.
د شپې له‌خوا باید ۱۳ ساعته څه ونه خوړل شي، د ماښامنۍ او سهارنۍ تر منځ باید پوره وخت وي چې د سرطان ناروغۍ مخه ونیول شي.
د دې راز او ګټه په‌دې کې ده چې د شپې له‌خوا ډوډۍ نه خوړل، د وینې شکر تنظیموي، خوړو ته لار هواروي چې له خوب او راویښېدو سره مناسب چلند وکړي؛ دا مهال نو د سرطان د را منځ‌ته کېدو مخه نیول کېږي.
څېړونکي وايي، په ټاکلي وخت کې ډوډۍ خوړل، د ماښامنۍ او سهارنۍ تر منځ اوږد ځنډ د انسان په ګټه دی. په ورته وخت کې د شکر، د زړه ناروغۍ او د رګونو تنګوالي ناروغۍ او ستونزو مخه نیسي.
هر کال نږدې ۱.۴ میلیونه کسان په سرطان اخته کېږي او ۴۵۰ زره ښځې يوازې د سينې سرطان له کبله خپل ژوند له لاسه ورکوي .

د سرطان د تشخیص او درملنې مرکز جوړېږي

Jun 09, 2019 29

له سرطان سره د مبارزې بنسټ وايي، په پام کې لري چې په هېواد کې د لومړي ځل لپاره د سرطان د تشخیص او درملنې مرکز جوړ کړي.

زياتي ډاکټرانو ته اړتيا نه‌شته

May 31, 2019 29

تاسې به له سرخطه د روبوټانو د الوتلو، د درنو بارونو وړلو، په کور کې د ماشومانو د روزنې او نورو بېلابېلو چارو په اړه اورېدلې وي، خو نن درته داسې روبوټ درپېژنو چې درملنې لپاره [...]

سپوږمۍ ته د ناسا بل ماموریت

May 26, 2019 29

د امریکا فضايي څېړنو ملي اداره یا ناسا له کلونو ځنډ وروسته یو ځل بیا په پام کې لري چې سپوږمۍ ته خپل نوی ماموریت پیل کړي او په دې ماموریت کې به سپوږمۍ ته په تلونکې عمله کې يوه ښځه [...]

ستاسې نظر

لټون

موږ په فېسبوک کې