کب نیوونکیې پیشو

کب نیوونکیې پیشو
۲۶ حوت ۱۳۹۷ 145 0 نظر info@sarkhat.af

کب نیوونکې پیشو

یوه ورځ یوه کب نیوونکي ډېر غټ کب نیولی و، د هغه تر څنګ یوه پيشو ناسته وه، پيشو په حیرانۍ کب نیوونکي ته وویل؛ کب نیول څومره اسانه کار دی!

هغه ورته وویل؛ دا څه دې وویل؟ تا وویل چې کب نیول اسان کار دی؟ که ته داسې ګومان کوې؛ نو راځه چې وایې ازمایو.

پیشو ورته وویل؛ ولې نه همدا اوس یې باید و ازمایو.

وروسته پیشو د ویالې څنګ ته راغله او لکۍ یې په اوبو کې غوپه کړه. لږ وروسته په دغو اوبو کې یو غټ کب تېرېده چې د پیشو لکۍ یې ولیده فکر یې وکړ چې غټ چینجی دی، کب ډېر خوشاله شو او د پیشو لکۍ یې وچیچله. پیشو له ځان سره وویل چې څومره غټ کب دی! پیشو غوښتل چې لکۍ له اوبو را وباسي، خو لکۍ یې درد کاوه او ډېره درنه شوې وه.

پیشو ډېره هڅه وکړه چې لکۍ له اوبو را وباسي، خو نه یوازې دا چې لکۍ یې له اوبو نه راختله، بلکي کب هغه دننه اوبو ته ور کشوله.

کب نیوونکی د پیشو څنګ ته ورغی  او له اوبو یې را واخيستله بیا یې په خندا ورته وویل؛ اوس خو پوهه شوې چې د کب نیول هغومره اسان کار دی لکه تا چې فکر کاوه!

اوبه

Aug 06, 2019 29

سلامونه يارانو! د دوبي په موسم کې لامبو د دې تر څنګ چې ګرمې له منځه وړي، همدارنګه په چينو، حوض او پاکو ويالو کې لامبو وهل ښه خوندور ساعتېری هم دی؛ نو لومړۍ لامبو زده کړئ، بیا [...]

مېوې

Jul 31, 2019 29

سلامونه يارانو! تاسې مېوې خورئ؟ که مېوې خورئ؛ نو لومړۍ لاسونه او بیا مېوه مينځئ، مالټې، مڼې، کېلې، انګور، زردالو او... نورې مېوې خوړل تاسې روغ ساتي او د هغه تر څنګ مو ښايسته کوي [...]

ستونزمن کار

Jul 23, 2019 29

سورګل د کوټې له کړکۍ خپله خور ولیده چې له کوټې بهر يې د کور په انګړ کې پر توپ لوبې کولې. سورګل په جګ اواز ور غږ کړ «تورپېکۍ… تورپېکۍ، څه کوې؟» تورپېکۍ چې په توپ پسې يې منډې وهلې [...]

ستاسې نظر

لټون

موږ په فېسبوک کې