په پاکستان کې پر چينايي انجينرانو د بريد مسووليت بلوڅو ومانه

د بلوچستان ليبرېشن فرنټ په نامه د بلوڅو يوې ملتپالې ډلې نن په کراچۍ کې پر چينايي انجينرانو د بريد مسووليت ومانه.

په دغه بريد کې يو چينايي انجينر وژل شوی او بل مرګونی ژوبل دی.

د بلوچستان ليبرېشن فرنټ وياند مېجر ګهرام بلوڅ سرخط ورځپاڼې ته په يوه رالېږلې خبرپاڼه کې ويلي دي چې دغه بريد د دوی ملګريو کړی دی.

دی وايي، له چين سره هيڅ دښمني نه لري، خو دا چې پاکستان د دوی دښمن او چين د پاکستان دوست دی، نو د دښمن په سترګه ورته ګوري.

مېجر ګهرام وايي، چين بايد وپوهېږي چې پاکستان د بلوڅو د اولادونو د خولې ګوله تروړي او حقونه يې لوټي، که يې چين هم ملاتړ کوي، نو يو چينايي به هم ژوندی ورڅخه بېرته چين ته ستون نه شي.

دی وايي، نه يوازې چين، بلکې د نړۍ ټول هېوادونه دې وپوهېږي چې که له پاکستان سره ملګرتيا کوي، د دوی تر وار لاندې به راځي.

اول ځان، بيا نور له کرونا وساتئ