امريکا وايي، طالب هم نه پرېږدو، د افغانستان جنګ هم ختموو
د امريکا د بهرنيو چارو وزير انتوني بلينکن وايي، هېواد او حکومت يې پرلهپسې پر دې کار کوي چې په افغانستان کې روان څلوېښت کلن جنګ پای ته ورسوي.
ده له اينبيسي سره په خپله وروستۍ مرکه کې وويل، که طالبان افغانستان لاندې کوي، دغه هېواد به د نړۍ له همکاريو او ملاتړ بېبرخي او منزوي پاتې کېږي چې دا هيچا ته د زغملو نه ده.
بلينکن وايي، دوی پر داسې لاره کار کوي چې دغه څلوېښت کلن جنګ په بشپړه توګه په افغانستان کې ختم شي او پر همدې پلان پرمختګ هم شوی دی.
د ده په خبره، په عين حال کې د افغانستان د څلوېښت کلن جنګ د ختمولو پلان هم ارزيابي کېږي چې چېرې کومه وړه تېروتنه و نه شي.
تېره شپه د متحده ايالاتو ولسمشر جو بايډن هم ولسمشر غني ته زنګ راوهلی و او ډاډ يې ورکړی و چې ولسمشر تنها نه دی، بلکې امريکا د افغانانو تر څنګ ولاړه ده.
اول ځان، بيا نور له کرونا وساتئ.
0 نظرونه