په بلوچستان کې د بس چپه کېدو ۲۰ وژلي، ۲۵ زخميان دي
تر ډېورنډ کرښه پورې غاړه د بلوچستان په خضدار سيمه کې له مسافرو يو ډک موټر تر سړک لوېدلی چې له امله يې شل تنه مړه شوي دي او پنځه ويشت نور زخميان دي.
پاکستانۍ رسنۍ وايي، په دغه بس کې زيارت کوونکي سپاره ول او کورو ته روان ول.
دوی وايي، په زخميانو او مړو شويو کسانو کې ښځې او ماشومان هم شامل دي.
د ورکول شويو مالوماتو په اساس، په سيمه کې د روغتيايي اسانتياوو د نه شتون له امله ډېر کسان مړه شوي دي.
حکومتي چارواکيو د پېښې لامل د موټر ګړندۍ ځغاسته بللې ده.
اول ځان، بيا نور له کرونا وساتئ.
0 نظرونه