ملي امنيت په کابل کې د طالبانو يوه خونخوره ډله نيولې
د افغانستان ملي امنيت وايي، سرتېرو په کابل کې عمليات کړي او د طالبانو يو نهه کسيزه خونړۍ ډله يې نيولې ده.
ملي امنيت سرخط ورځپاڼې ته په يوه رالېږلې خبرپاڼه کې ويلي دي چې دغې ډلې په کابل کې خلک په نښه کول او ويشتل او په دې سربېره يې منګوري ماينونه هم په موټرو پسې سريښول.
په خبرپاڼه کې د نيول شويو کسانو نومونه محمد ناصر، محمد جمعه، شېر الله، سیف الله، عبدالاحد، شرافت الله، رحمت الله او عبدالله ښوول شوي دي.
دغې ډلې په دې سربېره، څو پوستو ته بمونه هم ايښي او ورغورځولي ول او د تر لاسه شويو مالوماتو په اساس، وسلې او بمونه يې په پغمان کې د طالبانو له يوه قوماندان څخه تر لاسه کول.
دوی اوس تازه د وژنو يوه نوې لړۍ پيلوله چې ملي امنيت وار ورباندې ړومبی کړ.
0 نظرونه