پاپ فرانسيس د برچي شهيدانو ته دعا کړې
د کاتوليکو عيسويانو مشر پاپ فرانسيس د کابل په برچي دښته کې د تېرې ورځې د خونړۍ چاودنې قربانيانو ته له خدايه جنت او عاجله شفا غوښتې ده.
پاپ په روژه کې، پر ماشومانو چاودنه له انسانيته خورا لېرې کار بللی او له ټولو انسانانو يې غوښتي دي چې د دغې پېښې شهيدانو او ټپيانو ته دعاوې وکړي.
پاپ په دې سربېره، افغانستان ته هم دعا کړې ده چې خدای دې ورته سوله راولي.
د کابل په برچي سيمه کې پرون ماسپښين قضا مهال د سيدالشهدا په نامه يوې لېسې ته څېرمه پر ماشومانو موټربم او دوه نورې چاودنې وشوې چې له امله يې تر پنځوس ډېر شهيدان او يو نيم سل نور ژوبل شول.
د دغه موټربم بريد له امله د شهيدانو لويه برخه وړې نجونې دي.
0 نظرونه