ولسمشر هم په ننګرهار کې د نجونو شهيدول وغندل
ارګ وايي، ولسمشر محمد اشرف غني په ننګرهار کې د انعکاس ټلوېزيون د دريو ښځينه خبريالانو په شهادت رسول "سخت غندلي" او ويلي يې دي چې دغسې بريدونه د اسلام، فرهنګ او د سولې د روحيې خلاف دي.
له ارګه څخه په خپره شوې خبرپاڼه کې ويل شوي دي چې جمهور ريیس یو ځل بیا په ټینګار وویل، طالبان پر دغه راز بزدله بریدونو او د وېرې او ډار فضا په ایجادولو سره نه شي کولای له جمهوریت او د وروستیو دوو لسېزو لاسته راوړنو څخه د دفاع رسا غږ ټپ کړي.
ارګ وايي، ولسمشر اړوندو ارګانو ته د دغې پېښې د عاملینو د پېژندنې او مجازاتو د لارښوونې تر څنګ د شهیدانو کورنیو ته د خپلې خواخوږي او همدردي ژور مراتب څرګندوي.
طالبانو د دغو نجونو وژل د بل چا کار بللی دی.
0 نظرونه