يوې امېنداورې کډوالې افغانې په يونان کې ځان سېځلی
د يونان د کډوالو چارو وزارت وايي، د هغه هېواد په لسبوس جزيره کې يوې افغانې کډوالې چې امنېدواره هم ده، د کډوالو په کمپ کې ځان ته اور اچولی دی.
دوی وايي، تر اورلګېدو وروسته پوليس سيمې ته تللي او دغه ښځه يې روغتون ته رسولې ده.
د يونان پوليس وايي، دغه شپږويشت کلنې افغانې ښځې لومړی له خېمې څخه خپل دوه اولادونه ايستلي او بيا يې ځان ته اور اچولی دی.
دوی وايي، کډوالې افغانې وروسته له هغه ځان ته اور اچولی چې پوه شوه المان يې د پنا غوښتنه رد کړه.
د يو نان د کډوالو وزارت وايي، دغه ښځه نه ده پوهېدلې، د المان حکومت يې غوښتنه منلې، يوازې يې دومره ورته ليکلي دي چې د اولاد تر زېږدو پورې دي د کډوالو په دغه کمپ کې پاتې شي، خو دا نه ده پوهېدلې او فکر يې کړی چې رد شوې ده.
که څه هم مسافره افغانه او د هغې په ګېډه کې ماشوم له اوره ژوندي پاتې شوي، خو اوس به ورسره د يونان پوليس د خېمې د سوځولو له امله حساب کتاب کوي.
0 نظرونه