اسد اڅکزی د پاکستان يوه عسکر وژلی
۱۰ حوت ۱۳۹۹ 240 0 نظر سرخط ورځپاڼه

اسد اڅکزی د پاکستان يوه عسکر وژلی

 

 

په کوټه کې د عوامي نېشنل ګوند د تښتول شوي يوه ايالتي مشر اسد اڅکزي جسد په يوه څاه کې تر موندل کېدو ورسته اوس د کوټې د عمومي تفتيش مرستيال مشر اظهر اکرم ومنله چې هغه يوه پاکستاني عسکر وژلی دی.

 

اسد اڅکزی پنځه مياشتې وړاندې د کوټې ښار د هوايي ډګر له سړک څخه تښتول شوی و او اوس يې جسد موندل شوی دی.

 

د کوټې د عمومي تفتيش مرستيال مشر اظهر اکرم وايي، د اڅکزي قاتل د پاکستان د لېوي ځواک يو عسکر دی، اسرار احمد نومېږي او په وسله‌والو غلاوو کې هم ښکېل دی.

 

د اسد اڅکزي جسد تر موندل کېدو وروسته د کوټې ملکي روغتون ته لېږدول شوی، ډاکټرانو ويلي، هغه يې پر سر په مرمۍ ويشتی او جسد يې هم اوس بېخي په بد حالت کې دی.

 

عوامي نېشنل ګوند د خپل دغه مشر د وژل کېدو په غبرګون کې په کوټه ښار سربېره، د پاکستان په ډېری ښارونو کې کاربنديز اعلان کړی دی.

 

پوليس وايي، د غلا په يوه قضيه کې يې د اسرار احمد په نامه پاکستانی عسکر د اسد اڅکزي له موټر سره ونيو او پوښتنې يې ورڅخه پيل کړې چې پر هغه يې څه کړي دي.

 

عسکر وروسته ويلي دي چې هغه يې وژلی او په نوحصار نومې سيمه کې يې په يوه څاه کې غورځولی دی.

 

اسد اڅکزی څوک و؟

اسد اڅکزي سياست ته تر راتلو مخکې په يوه موسسه کې کار کاوه. په دوه زره اتلسم کال کې يې له دندې استعفا ورکړه او په کوټه کې د عوامي نېشنل ګوند وياند وټاکل شو.

 

د ده د تښتول کېدو او په پاکستان کې د ورکو شويو کسانو د ورکولو په غبرګون کې  د روانې مياشتې په دوه ويشتمه عوامي نېشنل ګوند پراخ احتجاجونه کړي ول.

تر دې وړاندې له کوټې څخه د عوامي نېشنل ګوند يو بل سرلاری ارباب ظاهر کاسی هم تښتول شوی و.

اسراييلو د ايران پر اټومي بټيو بريدونه کړي

Apr 12, 2021 29

د اسراييلو يوه راډيو د دغه هېواد د استخباراتو له خولې وايي، د اسراييلو موساد د ايران پر اټومي بټيو بريد کړی او دروند زيان يې ور اړولی دی.

سعودي د خپلې خاورې درې غداران په دار ځړولي

Apr 11, 2021 29

د سعودي عربستان حکومت خپل درې هغه سرتېري په دار ځړولي دي چې له خاورې سره د غداري او له دښمن سره د تار درلودو تور ورپورې و.

د بريټانيا فلپ شهزاده ومړ

Apr 09, 2021 29

بکنګهم ماڼۍ وايي، د بريټانيا شهزاده فلپ ډيويک اف اډنبرا نن د جمعې په ورځ د نهه نوي کالو په عمر مړ او ملکه اليزابيت کونډه شوه.

ستاسې نظر

لټون

موږ په فېسبوک کې