ولسمشر وايي، طالبان به ورڅخه په ژوند د موقت حکومت مخ و نه ګوري
۳ حوت ۱۳۹۹ 112 0 نظر سرخط ورځپاڼه

ولسمشر وايي، طالبان به ورڅخه په ژوند د موقت حکومت مخ و نه ګوري

 

ولسمشر غني وايي، تر څه وخته چې ساه پکې چلېږي، طالبان او ځينې نور به ورڅخه د موقت حکومت مخ هم و نه ګوري.

ولسمشر دغه څرګندونې د جګړې د قربانيانو له کورنيو او د جګړې د لومړۍ کرښې له سرتېرو سره په خبرو کې وکړې.

ولسمشر په دغو خبرو کې وويل، ځينې سړي او ډلې د خلکو د ذهنونو د مغشوشولو په موخه د موقت حکومت کيسې کوي.

ده وويل، دغسې ډلې او کسان دې واوري چې دی داسې بوټی نه دی چې هر باد يې ولړزولای شي.

ولسمشر وايي، تر څو چې يې په بدن کې ساه او په رګونو کې وينه چلېږي او د افغانستان سرتېري ورسره وي، هيڅوک به حتا د موقت حکومت مخ هم ځنې و نه ګوري.

د ولسمشر په خبره، سرتېري ورځ تر بلې پياوړي کېږي او نړۍ يې هم ملاتړ کوي، په داسې حالت کې د موقت حکومت خبرې خوب او خيال دی چې امکان هم نه لري.

څه موده وړاندې د طالبانو يوه کس په مسکو کې هم ويلي و چې د افغانستان اوسنی حکومت بايد ونړېږي او پر ځای يې موقت اسلامي حکومت جوړ شي.

د طالبانو شاعر وايي، توغندي او بې‌پيلوټه الوتکې يې ګوتو ته ورغلې

Feb 28, 2021 29

د طالبانو د قطر دفتر غړی انس حقاني وايي، د طالبانو لاس ته بې‌پيلوټه الوتکې او مزايل ورغلي دي او په ماشه ولاړ دي چې جګړه شروع کړي دي.

ملا انصاري دا ځل د نظام د نسکورولو ګواښ وکړ

Feb 26, 2021 29

ملا مجيب الرحمان انصاري نن په هرات کې ګوته څنډلې ده چې بايد د دې نظام پر ضد پاڅون وشي.

حکمتيار وايي، پر کابل ټولې لارې بندوي

Feb 26, 2021 29

د حزب اسلامي مشر ګلبدين حکمتيار وايي، د حکومت له خوا د دوی د غوښتنو د نه منلو په غبرګون کې پر کابل ټولې لارې تړي.

ستاسې نظر

لټون

موږ په فېسبوک کې