پيره کامله رارسېږه؛ ولسمشر غني د خواجه معین الدین چشتي پر زيارت څادر غوړوي
ولسمشر غني د هند په راجستان کې د خواجه معين الدين چشتي زيارت ته څادر ورلېږلی چې د جمعې په ورځ به د هغه پر مزار وغوړول شي.
په هند کې د افغانستان سفارت وايي، له دغه څادر سره يو ليک هم لېږل شوی چې پکې د خواجه معين الدين ستاينه شوې ده.
په هند کې د افغانستان سپرست سفير طاهر قادري وايي، دغه څادر او ليک د خواجه معين الدين چشتي يا خواجه غريبنواز د اته سوه او نهم عروس په مناسبت لېږل شوی دی.
ده ازادي راډيو ته ويلي دي چې د ولسمشر له خوا لېږل شوی څادر به د جمعې په ورځ په اجمير کې د خواجه غريب نواز پر مزار وغوړل شي.
خواجه معین الدین چشتی په پنځه سوه اته اتيايم هجري قمري کال د سلطان معزالدين محمد غوري له لښکرو سره هند ته لاړ، هلته يې د چشتیه طریقې بنسټ کېښود او په شپږ سوه او درې دېرشم هجري قمري کال د هند په راجستان کې وفات شو.
دی په هرات کې زېږېدلی و.
0 نظرونه