د لارو بندېدو له امله يو لک او اويا زره چرګان له لوږې مړه شوي
۲۸ دلو ۱۳۹۹ 249 0 نظر سرخط ورځپاڼه

د لارو بندېدو له امله يو لک او اويا زره چرګان له لوږې مړه شوي

 

له تېرو شلو ورځو راهيسې په هېواد کې د باروړونکيو موټرو چلوونکيو احتجاج کړی او لارې يې د موټرو پر مخ تړلې چې له امله يې تر اوسه يو لک او اويا زره چرګان له لوږې مړه شوي دي.

اوس اندېښنې دي چې که دغه احتجاجونه همداسې دوام وکړي، پاتې چرګان به هم له لوږې ومري او د چرګانو د فارمونو په برخه کې شوې يو ميليارډ ډالره پانګونه به په اوبو لاهو شي.

په هېواد کې د چرګانو د توليد او پراسيس د ادارې مشر انصار الله بختيانی وايي، د لارو د بندېدو له امله د چرګانو فارمونو ته خواړه پر وخت نه رسېږي.

دی وايي، دغه خواړه په هرات، کندهار، ننګرهار او کابل کې جوړېږي او بيا ولايتونو ته ځي، خو اوس چې لارې تړل شوې، د خلکو چرګان له لوږې مړه شوي دي.

د ده په خبره، دا مهال د هېواد په بېلابېلو ولايتونو کې د اته زره او اته سوه فارمونو چرګان له لوږې سره مخ دي.

بختيانی وايي، د لارو د بندېدو له امله نه يوازې خواړه فارمونو ته نه رسېږي، بلکې چرګان هم له فارمونو څخه ښارونو نه وړل کېږي.

شل ورځې کېږي چې د باروړونکيو موټرو چلوونکيو پر لويو لارو له دوی څخه د ناقانونه پيسو اخيستلو په غبرګون کې احتجاج کړی او وايي، تر هغه به يې موټر ولاړ وي چې حکومت يې غم نه وي خوړلی.

د طالبانو شاعر وايي، توغندي او بې‌پيلوټه الوتکې يې ګوتو ته ورغلې

Feb 28, 2021 29

د طالبانو د قطر دفتر غړی انس حقاني وايي، د طالبانو لاس ته بې‌پيلوټه الوتکې او مزايل ورغلي دي او په ماشه ولاړ دي چې جګړه شروع کړي دي.

ملا انصاري دا ځل د نظام د نسکورولو ګواښ وکړ

Feb 26, 2021 29

ملا مجيب الرحمان انصاري نن په هرات کې ګوته څنډلې ده چې بايد د دې نظام پر ضد پاڅون وشي.

حکمتيار وايي، پر کابل ټولې لارې بندوي

Feb 26, 2021 29

د حزب اسلامي مشر ګلبدين حکمتيار وايي، د حکومت له خوا د دوی د غوښتنو د نه منلو په غبرګون کې پر کابل ټولې لارې تړي.

ستاسې نظر

لټون

موږ په فېسبوک کې