طالبانو په وزيرستان کې پر پاکستاني پوځ ۲حملې کړې، يو نيم درځن يې وژلي
پاکستاني طالبان وايي، په شمالي وزيرستان کې يې پر پاکستاني پوځيانو دوه حملې کړې دي چې پکې يې شاوخوا شل تنه عسکر وژلي او ژوبل کړي دي.
د پاکستاني طالبانو وياند محمد خراساني سرخط ورځپاڼې ته په يوه رالېږلې خبرپاڼه کې ويلي چې ملګرو يې د ميرعلي په نتاسي سيمه کې د پاکستاني پوځيانو پر يوه موټر د سپکو وسلو بريد کړی او موټر اور اخيستی دی.
دی وايي، په دغه موټر کې اته تنه عسکر سپاره ول چې شپږ يې وژل شوي او دوه ژوبل دي.
خراسانی وايي، په دې سربېره يې ماين سازو ملګرو د شمالي وزيرستان د خيسور په ترکي سيمه کې د پاکستاني عسکرو يو موټر په بم الوځولی دی.
دی وايي، په دغه چاودنه کې لس تنه عسکر وژل شوي دي.
تر اوسه د پاکستان پوځ په دې اړه څه نه دي ويلي.
0 نظرونه